Cynllunio Strategol a Datblygu Gwasanaethau
-
Dehongli deddfwriaethau, strategaethau, polisïau a chanllawiau Llywodraeth Cymru i sicrhau darpariaeth leol, gan ddefnyddio’r adnoddau sydd ar gael
-
Dehongli cyfrifoldebau cyfreithiol a statudol y Cyngor a’r BIP
-
Arwain a bod yn gyfrifol am brosesau cynllunio a datblygu cadarn sydd ar waith i sicrhau y gweithredir arferion asesu anghenion cynhwysfawr, adolygu gwasanaethau a rheoli newid er mwyn ailgyfeirio adnoddau i fodloni blaenoriaethau cenedlaethol a lleol y cytunwyd arnynt
-
Rheoli ar y cyd waith y Tîm Ardal o gyflawni cyfrifoldebau a ddyrennir ar draws yr isadrannau ar ran y Bwrdd Clinigol Gofal Sylfaenol, Cymunedol a Chanolraddol
-
Rheoli’r gwaith o ddarparu’r Gwasanaethau Oedolion ar ran y Cyfarwyddwr Gwasanaethau Cymdeithasol
-
Gweithio mewn partneriaeth ag amrywiaeth o sefydliadau, gan gynnwys y Gwasanaeth Iechyd y Cyhoedd, arwain yr Ardal Leol a’i datblygiad i fod yn sefydliad sy’n cael ei arwain gan iechyd y cyhoedd sy’n gallu chwarae rhan weithredol a chyflawni swyddogaeth gyfranogol i hyrwyddo iechyd a lles corfforol a meddyliol da i bawb a lleihau anghydraddoldebau o ran mynediad, gofal a thriniaeth ar draws gwasanaethau’r Clwstwr / yr Ardal Leol
-
Arwain pan fo’n briodol y gwaith o ddatblygu a gweithredu strategaethau ehangach a chymryd rhan ynddo, i wella iechyd dinasyddion a lleihau anghydraddoldebau iechyd yn yr ardal ac ar lefel Clwstwr
Darparu Gwasanaethau
-
Arwain y gwaith o ddatblygu strategaeth gwasanaethau lleol integredig er mwyn bodloni blaenoriaethaucenedlaethol a lleol, datblygu Cynghrair y Fro pan fo’n briodol a datblygu trefniadau ar y cyd sy'n sicrhau bodgwasanaethau cydlynol a chadarn yn cael eu darparu
-
Gwella effeithlonrwydd gwasanaethau a sicrhau bod cynlluniau newid yn cael eu gweithredu, yn unol âstrategaethau cenedlaethol a lleol ac o fewn fframweithiau ariannol a rheoli perfformiad y cytunwyd arnynt
-
Drwy gydweithio â thîm rheoli’r Ardal Leol, sicrhau bod systemau ar waith ar gyfer llywodraethu corfforaethola gweithredu Fframweithiau Sicrwydd Risg Corfforaethol y sefydliad
-
Monitro perfformiad a chychwyn camau gweithredu priodol i sicrhau y cyflawnir ac y cynhelir y safonau priodol
Tasgau a Dyletswyddau yn ymwneud â’r Defnyddiwr Gwasanaeth
-
Bod yn gyfrifol am sicrhau bod systemau ar waith ar gyfer cynnwys rhanddeiliaid, y cyhoedd, defnyddwyr gwasanaeth a gofalwyr yn y gwaith o gynllunio, diogelu a monitro gwasanaethau iechyd a gofal cymdeithasol
-
Sicrhau y bodlonir gofynion statudol a chyfreithiol ar gyfer darparu gwasanaethau gofal cymdeithasol i oedolion, a hynny gan ddefnyddio’r adnoddau sydd ar gael
-
Cefnogi’r gwaith o ddatblygu llwybrau gofal integredig, yn unol â chanllawiau a sicrhau dehongliad a darpariaeth leol
-
Sicrhau dull ymatebol sy’n canolbwyntio ar y cwsmer wrth ddarparu gwasanaethau lleol
Rheoli Perfformiad
-
Sicrhau y cefnogir pob swyddogaeth gan wybodaeth gadarn ac effeithiol sy’n cefnogi proses gwneud penderfyniadau sy’n seiliedig ar dystiolaeth
-
Sicrhau bod systemau cynllunio, comisiynu a rheoli perfformiad, a phob mecanwaith adrodd cynnydd yn darparu ar gyfer y defnydd effeithiol o adnoddau ac yn dangos gwaith rheoli risg trylwyr
-
Sicrhau cydymffurfiaeth â gofynion Diogelu Data, Rhyddid Gwybodaeth a Caldicott, yn enwedig yn ymwneud â’r gwaith o gynllunio a chomisiynu gwasanaethau gofal/claf
-
Sicrhau y caiff targedau mewn meysydd cyfrifoldeb eu bwrw, gan ddefnyddio adnoddau sydd ar gael
Adnoddau Dynol
-
Bod yn gyfrifol am yr Is-adran Gwasanaethau Oedolion sy’n rhan o Adran Gwasanaethau Cymdeithasol y Cyngor a bod yn gyfrifol am reoli ar y cyd Dîm Ardal y Fro sy’n rhan o’r BIP
-
Rheoli pob tîm perthnasol yn effeithiol ar draws y ddau sefydliad a sicrhau y lleiheir achosion o ddyblygu ymdrech, er mwyn gwneud y defnydd gorau o adnoddau cyfunol y BIP a'r Gyfarwyddiaeth Gwasanaethau Cymdeithasol
-
Sicrhau bod gan bob aelod o staff sydd dan arweiniad rheolwr llinell amcanion unigol a thîm clir, sy’n cael eu monitro'n rheolaidd, er mwyn cyflawni amcanion corfforaethol a gweithrediadol
-
Sicrhau y cyfathrebir yn glir â phob aelod o staff sydd dan arweiniad rheolwr llinell a bod atebolrwydd wedi’i ddiffinio’n dda
-
Cefnogi a datblygu aelodau staff, gan sicrhau y datblygir ac y cyflawnir holl amcanion y Cyngor a'r BIP
-
Cefnogi’r gwaith o sefydlu a datblygu aelodau eraill o staff ar draws y ddau sefydliad, yn ôl yr angen
-
Arwain y gwaith o ddatblygu cymysgedd sgiliau o fewn timau mewn meysydd cyfrifoldeb
Adnoddau Ariannol
-
Bod yn bennaf gyfrifol am reoli’r defnydd effeithiol o gyllidebau dirprwyedig (mewn ymgynghoriad â chydweithwyr perthnasol) fel y diffinnir yn fframwaith gwneud penderfyniadau dirprwyedig y Cyngor a’r BIP
-
Gweithredu fel deiliad y gyllideb ar gyfer pob gwasanaeth gofal cymdeithasol i oedolion ac amrywiaeth o wasanaethau iechyd yn y gymuned ar ran trigolion Bro Morgannwg. Mae hyn yn cynnwys sicrhau mynediad teg i bawb gan ddangos defnydd effeithiol o adnoddau cyfunol i fwrw targedau cenedlaethol a lleol y cytunwyd arnynt
-
Gweithio’n agos â rheolwyr Cyllid priodol o fewn y Cyngor a'r BIP, drwy gefnogi'r Cyfarwyddwr Adrannol a’r Cyfarwyddwr Gwasanaethau Cymdeithasol mewn trafodaethau lleol gan arwain at gwblhau’n llwyddiannus wasanaeth cytbwys a fframwaith ariannol ar gyfer y Cyngor a’r BIP
Cymhwysedd
Chi sy’n gyfrifol am gyfyngu eich gweithredoedd i’r rhai hynny rydych chi o'r farn eich bod yn gymwys i ymgymryd â nhw. Os oes gennych chi unrhyw amheuon ynglŷn â’ch cymhwysedd yn ystod eich dyletswyddau, dylech chi siarad â’ch rheolwr llinell/goruchwylydd yn syth.
Rheoli Risg
Mae’n elfen safonol o rôl a chyfrifoldeb pob aelod o staff ei fod yn cyflawni swyddogaeth ragweithiol o ran rheoli risg yn rhan o’i holl weithredoedd. Mae hyn yn cynnwys asesu risg ym mhob sefyllfa, cymryd camau priodol a rhoi gwybod am unrhyw ddigwyddiadau, digwyddiadau a osgowyd o drwch blewyn neu beryglon.
Rheoli Cofnodion
Fel un o weithwyr y Cyngor a’r BIP, rydych chi'n gyfrifol yn ôl y gyfraith am bob cofnod yr ydych chi’n ei gasglu, yn ei greu neu’n ei ddefnyddio yn rhan o’ch gwaith, pa un ai'n gofnod papur neu’n gofnod cyfrifiadurol. Ystyrir pob cofnod o'r fath yn gofnodion cyhoeddus, ac mae gennych chi ddyletswydd cyfrinachedd gyfreithiol i ddefnyddwyr gwasanaeth (hyd yn oed ar ôl i weithiwr adael y Cyngor/BIP). Dylech chi ymgynghori â’ch rheolwr os oes gennych chi unrhyw amheuaeth ynghylch a yw’r cofnodion yr ydych chi’n gweithio â nhw yn cael eu rheoli'n gywir.
Gofynion Iechyd A Diogelwch
Mae gan holl weithiwr y Cyngor a’r BIP ddyletswydd gofal statudol o ran eu diogelwch personol eu hunain a diogelwch eraill a allai gael eu heffeithio gan eu gweithredoedd neu eu diffyg gweithredoedd. Mae angen i weithwyr gydweithio â’r rheolwr o ran bodloni eu dyletswyddau cyfreithiol a dylent adrodd unrhyw sefyllfaoedd peryglus neu offer diffygiol.
Datganiad Hyblygrwydd
Mae cynnwys y Disgrifiad Swydd hwn yn amlinelliad o’r swydd ac nid yw felly’n gatalog manwl gywir o ddyletswyddau a chyfrifoldebau. Felly, bwriedir i’r Disgrifiad Swydd hwn fod yn hyblyg ac yn destun adolygiad a diwygiad yng ngoleuni amgylchiadau newidiol, yn dilyn ymgynghori â deiliad y swydd.
Cyfrinachedd
Mae angen i holl weithwyr y BIP a’r Cyngor gadw cyfrinachedd aelodau'r cyhoedd ac aelodau staff yn unol â’r holl bolisïau perthnasol.
Cydraddoldeb
Bydd y Cyngor a'r BIP yn cymryd pob cam ymarferol i sicrhau y caiff aelodau staff eu recriwtio, eu rheoli, eu datblygu, eu hyrwyddo a'u gwobrwyo ar sail teilyngdod ac y rhoddir cyfle cyfartal iddynt i gyd. Mae pob gweithiwr yn gyfrifol am ei ymddygiad proffesiynol a phersonol ei hun ac mae angen i’r holl aelodau o staff ymddwyn mewn modd na fydd yn sarhau unrhyw un arall.