Cyngor Bro Morgannwg
Vale of Glamorgan Council
Cost of Living Support Icon
​

Arfordir a Chefn Gwlad 

Ym Mro Morgannwg, mae amrywiaeth eang o blanhigion, anifeiliaid a chynefinoedd.

 

Ein Ceidwaid sy’n gyfrifol am waith cadwraeth, cynnal a chadw safleoedd, gofalu am lwybrau hawliau tramwy cyhoeddus, creu cynefin, cofnodi bioamrywiaeth a chyfleu Cynllun Addysg yr Amgylchedd i ysgolion. 

 

Gweithle’r Ceidwaid yw Canolfan yr Arfordir Treftadaeth, sy’n rhan o’r Gwasanaeth Cefn Gwlad sy’n gweithio ledled Bro Morgannwg. Mae tîm y ceidwaid yn gweithio ar hyd Arfordir Treftadaeth Morgannwg yn ogystal â ledled y Fro.

 


  • Cynnal a chadw Gerddi Dwnrhefn a llwybrau Hawliau Tramwy Cyhoeddus.
  • Rheoli cynefinoedd a chofnodi bioamrywiaeth.
  • Cadwraeth pili-pala’r brith brown y frân goesgoch, hebogiaid gleision a rhywogaethau eraill sydd wedi eu peryglu.
  • Cynllun Addysg yr Amgylchedd i ysgolion a cholegau.

 

coast near monknashArfordir Treftadaeth Morgannwg
Cosmeston LakesParc Gwledig Llynnoedd Cosmestonosn
Porthkerry ViaductParc Gwledig Porthceri
Cosmeston Medieval VillagePentref Canoloesol Cosmeston
Aerial view of Glamorgan Heritage Coast CentreCanolfan Arfordir Treftadaeth Morgannwg
Fox on wallNatur a Bywyd Gwyllt
Augmented-Reality-App-Hill-FortApiau a Gweithgareddau
sunflowersGwirfoddolwyr
bug hunting at cosmeston

Teithiau Cerdded, Sgyrsiau ac Addysg

 

 

Bride-and-Groom-at-Cosmeston

Llynnoedd a Pharc Gwledig Cosmeston

Mae amrywiaeth o gynefinoedd yn Cosmeston dros 100 hectar o dir a dŵr, ac mae rhai parthau wedi eu dynodi’n Safle o Ddiddordeb Gwyddonol Arbennig, sy’n amddiffyn y rhywogaethau planhigion ac anifeiliaid prin ac amrywiol a geir yma.

 

Priodasau mewn Parciau Gwledig

 

 

Vale-Biodiversity-Partnership

Bioamrywiaeth

Ystyr bioamrywiaeth yw’r amrywiaeth o fathau o fywyd. Mae’n cynnwys pob peth byw, o’r chwannen leiaf i’r goeden fwyaf.

 

Fe welwch chi fioamrywiaeth ym mhob man yn y Fro: mewn gerddi trefol a bocsys blodau, mewn coedwigoedd, wrth ymyl y ffordd, mewn cefn gwlad agored, mewn afonydd ac ar hyd yr arfordir.

 

Mae Bro Morgannwg yn cynnal amrywiaeth doreithiog o fywyd gwyllt: mae’r perthi, y coetiroedd, cymoedd yr afonydd a’r arfordir yn ffurfio ein tirwedd ac yn darparu ymborth a chynefin i famaliaid ac adar. 

 

Bioamrywiaeth

 

About grassland ecosystems

Creu lle ar gyfer byd natur

Mae colli glaswelltiroedd llawn blodau gwyllt a’r bywyd gwyllt y mae’n ei gynnal yn fater o bryder i'r cyhoedd. Rydym wedi ymrwymo i fynd i’r afael â’r newid yn yr hinsawdd a cholli bioamrywiaeth drwy wneud lle i fyd natur ym Mro Morgannwg.

 

Mae Cyngor Bro Morgannwg yn rheoli swmp sylweddol o laswelltir. Mae gennym gyfle i adfer a gwella’r glaswelltiroedd hyn fel cynefin i bryfed peillio a bywyd gwyllt arall. Rydym yn bwriadu gwneud hyn drwy ein dull newydd o reoli ymylon ffyrdd a glaswelltir yn y Fro.

 

Creu lle ar gyfer byd natur

Heritage coast (c) Rose Revera

Partneriaeth Natur y Fro

Mae Partneriaeth Natur y Fro yn rhan o rwydwaith Cymru gyfan i warchod, hyrwyddo a gwella natur yn ein hardal leol. 

 

Mae Partneriaeth Natur y Fro yn dwyn ynghyd gynrychiolwyr o ystod eang o sefydliadau, grwpiau lleol ac unigolion sydd â diddordeb mewn natur leol a rheoli tir. Mae'r bartneriaeth ar agor i unrhyw un ymuno ac mae'n gyfrifol am oruchwylio'r gwaith o gyflawni Cynllun Gweithredu Adfer Natur y Fro. 

 

Ein cenhadaeth yn y Fro yw ailgysylltu pobl o bob rhan o'r sir â byd natur. Trwy weithio mewn partneriaeth, rydym yn ceisio ymgysylltu â'r cyhoedd, grwpiau a sefydliadau cymunedol lleol, yn ogystal ag ysgolion a busnesau, i gymryd rhan wrth weithredu dros natur yn eu cymunedau.

 

Partneriaeth Natur y Fro