Cyngor Bro Morgannwg
Vale of Glamorgan Council
Cost of Living Support Icon
​

Effeithlonrwydd Ynni Cartrefi 

Mae Cyngor Bro Morgannwg yn cefnogi nod Llywodraeth Cymru i fynd i'r afael â thlodi tanwydd ac effeithlonrwydd ynni gwael mewn cartrefi. 

 

Picture2
Bydd yn anoddach cadw cartrefi nad ydynt yn ynni-effeithlon (gyda Sgôr Perfformiad Ynni o dan C) yn gynnes, a bydd y cartrefi hynny’n cael biliau ynni uwch ac yn pwmpio mwy o CO2 i'r atmosffer o'u cymharu â'u cymdogion mwy effeithlon. Gall gwella effeithlonrwydd ynni eich cartref drwy insiwleiddio a thechnolegau ynni adnewyddadwy gynnig amrywiaeth o fuddion i chi yn ogystal ag i’n planed.

 Buddion i chi: 

  • Lleihau swm y gwres a gollir yn sylweddol
  • Lleihau eich biliau ynni
  • Eich cadw’n gynnes yn y gaeaf, ac yn oer yn yr haf
  • Lleihau eich ôl troed carbon
  • Gwella Sgôr Perfformiad Ynni (Tystysgrif Perfformiad Ynni (TPY)) eich eiddo, gan ei wneud yn fwy deniadol i brynwyr
  • Gwneud eich cartref yn fwy cyfforddus ac atal lleithder
Picture3

 

Ffyrdd syml o ddefnyddio llai o ynni ac arbed ar eich biliau ynni: 

Picture6
  • Trowch eich thermostat i lawr gan 1°c 
  • Diffoddwch y goleuadau yn yr ystafelloedd nad ydych yn eu defnyddio a defnyddiwch fylbiau arbed ynni
  • Peidiwch â gadael pethau yn y modd segur
  • Peidiwch â gorlenwi’r tegell – berwch y dŵr sydd ei angen arnoch
  • Defnyddiwch beiriannau golchi a sychu i gapasiti llawn oni bai bod gennych osodiadau hanner llwyth
  • Peidiwch â gadael tapiau'n diferu, yn enwedig tapiau dŵr poeth
  • Caewch ddrysau i gadw gwres mewn ystafelloedd

 I gael mwy o awgrymiadau arbed ynni, ewch i’r Ymgyrch Help For Households 

 

Mae cadw’n gynnes yn hollbwysig, yn enwedig i bobl hŷn yn y cartref. Mae Age UK yn argymell gwisgo haenau a chadw'n actif gartref, ac mae Cyngor Bro Morgannwg wedi datblygu Cynllun Mannau Cynnes gyda rhwydwaith o fannau cymunedol cynnes a chroesawgar yn dod â phobl ynghyd y gaeaf hwn heb unrhyw gost.  Yn fwy na hynny, mae'r Cyngor hefyd yn cynnig gwybodaeth a chyngor defnyddiol ynghylch Cymorth Costau Byw 

 

Mesurau y gallwch eu rhoi ar waith i'ch helpu i aros yn gynnes gartref ac i leihau eich biliau ynni:

 

  • Insiwleiddiwch eich to, eich llawr a’ch waliau
  • Rhowch ddeunydd atal drafftiau ar ddrysau a ffenestri
  • Uwchraddiwch eich system wresogi i foeler ynni-effeithlon neu bwmp gwres
  • Gosodwch wydr dwbl neu driphlyg
  • Defnyddiwch ffynonellau ynni adnewyddadwy, megis pŵer solar
  • Gwiriwch sgôr TPY eich cartref neu gael prawf TPY i gael argymhellion personol
  • Gofynnwch i'ch darparwr ynni osod mesurydd Deallus i'ch helpu i reoli eich defnydd a'ch costau ynni.
Picture5

  

Prosiect Sero

Prosiect Sero yw ymateb Cyngor Bro Morgannwg i’r Argyfwng Newid yn yr Hinsawdd. Mae’n dwyn ynghyd yr ystod eang o waith a chyfleoedd sydd ar gael i fynd i'r afael â’r argyfwng hinsawdd, lleihau allyriadau carbon y Cyngor i sero net erbyn 2030 ac annog eraill i wneud newidiadau cadarnhaol i gefnogi Prosiect Sero gartref.

Cymru Gynnes

Mae Cymru Gynnes yn gweithio gyda gwahanol wasanaethau i sicrhau bod cartrefi'n gynnes ac yn ddiogel.

Gallan nhw roi cyngor am ddim i chi ynghylch:

  • ynni,
  • biliau dŵr,
  • gwres,
  • cofrestru â’r Gofrestr Gwasanaethau Blaenoriaeth,
  • a mesurau diogelwch yn eich cartref.

Gallwch gael cyngor drwy lenwi ffurflen atgyfeirio neu drwy ffonio.

 

  • 080 0091 1786

 

 

Warm Wales

 


Cynllun Cartrefi Clyd Nyth Llywodraeth Cymru

 

Cymorth i wneud eich cartref yn fwy ynni effeithlon!

Mae cynllun Cartrefi Clyd Nyth Llywodraeth Cymru yn gwneud cartrefi Cymru ynllefydd cynhesach a mwy ynni effeithlon i fyw ynddyn nhw. Mae Nyth yn cynnig cyngor diduedd am ddim i bob cartref yng Nghymru i’ch helpu ileihau eich biliau ynni, cynyddu eich incwm, a lleihau eich ôl troed carbon.Gallech hefyd fod yn gymwys am welliannau effeithlonrwydd ynni cartref am ddim felmesurau inswleiddio gwres cartref am ddim.

 

Ffoniwch rhadffôn 0808 808 2244, o ddydd Llun i ddydd Gwener, 9am-6pm neu ewch i llyw.cymru/nyth i gael gwybod mwy.

Nest logo

 

   

 

Cynllun ECO4 (Rhwymedigaeth Cwmni Ynni gan gynnwys ECO4 Flex)

ECO4 yw'r cynllun Rhwymedigaeth Cwmni Ynni diweddaraf a weinyddir gan OFGEM. Nod cyllid RhCY yw helpu'r rhai sy'n byw mewn tlodi tanwydd ac sy'n agored i'r risg o fyw mewn cartref oer, ac y mae eu tŷ yn aneffeithlon o ran ynni.  Mae cyllid RhCY yn talu am osod mesurau effeithlonrwydd ynni fel gwelliannau gwresogi ac inswleiddio, a thrwy hynny yn helpu i leihau cost gwresogi'r cartref a chreu arbedion carbon sy'n dda i'r amgylchedd hefyd. 

 

  • Gall preswylwyr fod yn gymwys i gael mesurau a ariennir gan RhCY os ydynt yn derbyn un o'r budd-daliadau canlynol:

    Lwfans Ceisio Gwaith (LCG) yn Seiliedig ar Incwm

    Lwfans Cyflogaeth a Chymorth yn Seiliedig ar Incwm

    Cymhorthdal Incwm (CI) 

    Credyd Gwarant Credyd Pensiwn

    Credyd Treth Gwaith

    Credyd Treth Plant

    Credyd Cynhwysol

    Budd-dal Tai

    Credyd Cynilion Credyd Pensiwn

    Budd-dal Plant (yn amodol ar gyfansoddiad a chapiau incwm) 

     

  

Osnad oes unrhyw un o'r budd-daliadau hyn yn cael ei hawlio, efallai y bydd yr aelwyd yn dal i allu derbyn mesurau wedi'u hariannu drwy'r broses cymhwysedd hyblyg ('ECO flex' yn fyr), er enghraifft os oes gan yr aelwyd incwm cyfunol islaw £31,000, neu os oes gan rywun yn y cartref gyflwr meddygol cymwys.   

 

Mae'r Datganiad o Fwriad hwn yn gosod meini prawf cymhwysedd hyblyg Cyngor Bro Morgannwg ar gyfer ECO4 Flex o 19eg Mai 2023 tan ddiwedd mis Mawrth 2026.

 

Sut i wneud cais:

Preswylwyr: Os ydych yn credu y gallech fod yn gymwys i gael cyllid RhCY, siaradwch â sefydliad a all gynnig cymorth arbed biliau ac ynni diduedd am ddim i chi ac asesu a allech fod yn gymwys i gael cyllid, naill ai gan RhCY neu unrhyw raglenni grant eraill i helpu i dalu am welliannau i'ch cartref.  Mae Cymru Gynnes yn un darparwr sy'n cynnig cymorth o'r fath i unrhyw breswylwyr yng Nghymru. 

  • 0800 091 1786


Gosodwyr: Mae Cyngor Bro Morgannwg wedi ffurfio partneriaeth ag E.ON ar ddarparu ECO4 flex.  Os ydych chi'n gwmni gosod ac eisiau holi am fod yn rhan o’n cynllun, cysylltwch ag E.ON.

 

Rhestr o Asiantau Eco-flex hysbys sy'n gweithredu ym Mro Morgannwg

 

 

Dim Rhwymedigaethau: Ni fydd Cyngor Bro Morgannwg yn derbyn unrhyw geisiadau sy'n gysylltiedig â RhCY ac nid yw'n derbyn unrhyw gyfrifoldeb nac atebolrwydd sy'n deillio o unrhyw ganlyniad negyddol, difrod neu golled sy'n deillio o dderbyn grant ECO FLEX.

 

 

Ydych chi’n gosod eiddo?

Os ydych yn gosod eiddo, dylech fod yn ymwybodol o'r Isafswm Safonau Effeithlonrwydd Ynni (srs.wales) ar gyfer landlordiaid.

 

Mae cyngor ychwanegol ar sut i godi safonau TPY ar gyfer eiddo ar gael ar-lein. Find ways to save energy in your home - GOV.UK (www.gov.uk)