Cynllun Quickstart  

Bydd y fenter yn darparu lleoliadau gwaith chwe mis â thâl i bobl ifanc 18-24 oed sydd wedi'u lleoli yng Nghyngor Bro Morgannwg. Y nod yw darparu sgiliau cyflogaeth hanfodol i bobl ifanc i wella eu rhagolygon cyflogaeth yn y dyfodol.  

Mae Quickstart yn cael ei ariannu gan brosiect CELT+ Bro Morgannwg ac yn cael ei gefnogi gan Cymunedau am Waith a Mwy. Fe'i cynlluniwyd i ddarparu lleoliad chwe mis â thâl i unigolion 18-24 oed, sy'n byw ym Mro Morgannwg ac nad ydynt mewn addysg, cyflogaeth na hyfforddiant ar hyn o bryd. 

Bydd cyllid y cynllun yn darparu 100% o'r cyflog byw cenedlaethol am 25 awr yr wythnos, ynghyd â chyfraniadau yswiriant gwladol a chyfraniadau cofrestru awtomatig.  Nid prentisiaeth yw'r cynllun; fodd bynnag, gall pobl symud i brentisiaeth ar unrhyw adeg yn ystod neu ar ôl eu lleoliad gyda chi.

Bydd CELT+ hefyd yn helpu i gefnogi rhai costau sefydlu ar gyfer offer, hyfforddiant neu i ddatblygu sgiliau cyflogadwyedd ar gyfer y person ifanc a gaiff ei recriwtio.

Mae holl adrannau Bro Morgannwg yn gymwys i fynegi diddordeb. Bydd cynllun 2023 yn gweithredu fel a ganlyn:

• Hysbysebwyd swyddi gwag o ddydd Llun 21 Awst. 

• Dylai ymgeiswyr sydd â diddordeb i gyflwyno eu diddordeb mewn swydd wag i’w ystyried gan y Cydlynydd Quickstart (yn y lle cyntaf) erbyn dydd Gwener 8 Medi fan bellaf.

• Gweithdai cyn-gyflogaeth (Sgiliau CV/Cyfweld) i'w cynnig i ddarpar ymgeiswyr yr wythnos sy'n dechrau ddydd Llun 18 Medi. 

• Bydd CVs yn cael eu hanfon at reolwyr adrannol y Fro erbyn dydd Llun 2 Hydref. 

• Cyfweliadau i'w gosod gan adrannau unigol ar ôl derbyn CVs.

• Dyddiad dechrau'r lleoliad o ddydd Llun 16 Hydref.