Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Dydd Llun, 14 Mis Ebrill 2025
Bro Morgannwg
Mae'r ystafelloedd newid a'r toiledau yng Nghanolfan Hamdden Llanilltud Fawr wedi'u hadnewyddu'n llawn, gan gynnwys cyflwyno cawodydd newydd sy'n arbed dŵr a goleuadau ynni isel.
Bydd yr uned trin aer newydd effeithlon sydd yno hefyd yn helpu i gadw'r ardal o amgylch y pwll a'r ystafelloedd newid yn gynnes ac yn sych trwy gydol y flwyddyn.
Mae Canolfan Hamdden y Barri hefyd wedi gweld gwelliannau mawr i'w Campfa Hammer Strength, wrth gael ei drawsnewid gyda parth hyfforddi cwbl hygyrch, ardal ymestyn newydd ac offer ymwrthedd gwell.
Dywedodd y Cynghorydd Gwyn John, Aelod Cabinet dros Hamdden, Chwaraeon a Llesiant: “Mae'r uwchraddiadau hyn yn nodi cam sylweddol ymlaen o ran sicrhau bod ein cyfleusterau hamdden yn parhau i ddiwallu anghenion ein holl drigolion. “Mae'r newidiadau ecogyfeillgar yng Nghanolfan Hamdden Llanilltud yn rhan bwysig o'n hymrwymiad parhaus i gynaliadwyedd ac maent yn cyd-fynd ag uchelgeisiau Prosiect Sero y Cyngor i ddod yn garbon-niwtral erbyn 2030. “Rydym yn gwybod o'n gwaith yn siarad â thrigolion bod mynediad at ystod amrywiol o gyfleusterau hamdden yn bwysig, ac rydym yn ymroddedig i ddarparu mannau o ansawdd uchel sy'n hyrwyddo ffyrdd iachach, mwy egnïol o fyw i bawb ym Mro Morgannwg.”
Dywedodd y Cynghorydd Gwyn John, Aelod Cabinet dros Hamdden, Chwaraeon a Llesiant: “Mae'r uwchraddiadau hyn yn nodi cam sylweddol ymlaen o ran sicrhau bod ein cyfleusterau hamdden yn parhau i ddiwallu anghenion ein holl drigolion.
“Mae'r newidiadau ecogyfeillgar yng Nghanolfan Hamdden Llanilltud yn rhan bwysig o'n hymrwymiad parhaus i gynaliadwyedd ac maent yn cyd-fynd ag uchelgeisiau Prosiect Sero y Cyngor i ddod yn garbon-niwtral erbyn 2030.
“Rydym yn gwybod o'n gwaith yn siarad â thrigolion bod mynediad at ystod amrywiol o gyfleusterau hamdden yn bwysig, ac rydym yn ymroddedig i ddarparu mannau o ansawdd uchel sy'n hyrwyddo ffyrdd iachach, mwy egnïol o fyw i bawb ym Mro Morgannwg.”
Cafodd rhai o'r gwelliannau i Ganolfannau Hamdden Llanilltud Fawr a'r Barri eu hariannu'n rhannol gan grantiau gan Gronfa Ffyniant Gyffredin Llywodraeth y DU.