Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Dydd Mercher, 24 Mis Ionawr 2024
Bro Morgannwg
Mae Diwrnod Cofio'r Holocost yn ddigwyddiad blynyddol i goffáu'r miliynau o fywydau Iddewig a gollwyd yn ystod yr Holocost a hil-laddiadau eraill yng Nghambodia, Rwanda, Bosnia, Darfur ac yn ogystal â lleiafrifoedd eraill a ddioddefodd erledigaeth y Natsïaid.
Bydd Cyngor Bro Morgannwg yn cynnal arddangosfa ym Mhafiliwn Pier Penarth gyda gweithiau gan yr artistiaid Nicola Tucker a Philip Ford o ddydd Gwener 26 Ionawr tan ddydd Mercher 31 Ionawr. Bydd arddangosfa'r Pafiliwn ar agor bob dydd rhwng 10am a 4pm. Y thema eleni, sydd wedi ei gosod gan Ymddiriedolaeth Diwrnod Cofio'r Holocost, yw Bregusrwydd Rhyddid.
Bydd y Cyngor hefyd yn goleuo rhai tirnodau cyhoeddus mewn porffor dros y penwythnos fel arwydd pellach o barch a choffâd i'r rhai sydd wedi dioddef o ganlyniad i'r Holocost.
Dywedodd yr Aelod Cabinet dros Addysg, y Celfyddydau a'r Gymraeg – Y Cynghorydd Rhiannon Birch: “Mae Ymddiriedolaeth Diwrnod Cofio'r Holocost yn pwysleisio pwysigrwydd cofio, myfyrio ar a chynyddu ymwybyddiaeth a dealltwriaeth o effaith hil-laddiad. "Am yr un deg chwech blynedd diwethaf, mae Cyngor Bro Morgannwg wedi nodi'r digwyddiad hwn, ac mae gwneud hynny yn ein helpu i gofio a chydnabod erchyllterau'r gorffennol ac yn codi ein hymwybyddiaeth o ddiogelu rhag eu hailadrodd yn y dyfodol."
Dywedodd yr Aelod Cabinet dros Addysg, y Celfyddydau a'r Gymraeg – Y Cynghorydd Rhiannon Birch: “Mae Ymddiriedolaeth Diwrnod Cofio'r Holocost yn pwysleisio pwysigrwydd cofio, myfyrio ar a chynyddu ymwybyddiaeth a dealltwriaeth o effaith hil-laddiad.
"Am yr un deg chwech blynedd diwethaf, mae Cyngor Bro Morgannwg wedi nodi'r digwyddiad hwn, ac mae gwneud hynny yn ein helpu i gofio a chydnabod erchyllterau'r gorffennol ac yn codi ein hymwybyddiaeth o ddiogelu rhag eu hailadrodd yn y dyfodol."
Mae croeso i bawb ymweld â'r arddangosfa Bregusrwydd Rhyddid i gofio, myfyrio, a nodi Diwrnod Cofio'r Holocost yn ystod y penwythnos hwn. Bydd y ddau artist yn y lleoliad ddydd Sadwrn 27 Ionawr.
Mae mwy o wybodaeth am yr artistiaid a'u gwaith ar gael yn www.valeofglamorgan.gov.uk/celf-ganolog
Browser does not support script.