Cyngor Bro Morgannwg
Vale of Glamorgan Council
Cost of Living Support Icon
​

New Art Central LogoOriel Celf Ganolog 

Neuadd y Dref, Sgwâr y Brenin, Y Barri CF63 4RW (Mynediad drwy lyfrgell y sir)

 

Lleolir oriel Celf Ganolog, gofod arddangos clodfawr y Fro, yng nghanol y sir. Mae’n lle godidog i arddangos ynddo, i ymweld ag e ac i werthfawrogi celf ynddo.

 

Mae oriel Celf Ganolog yn ofod golau, hyblyg a chroesawgar  Mae rhaglen Celf Ganolog yn cynnwys arddangosfeydd amrywiol gan artistiaid, grwpiau cymunedol, ac arddangosfeydd amlwg a theithiol. Mynediad AM DDIM. 

 

COLCOT EXHIBITION 2024Man a man a mwnci

 

Mae Arddangosfa Celf a Dylunio Diwedd Blwyddyn Coleg Caerdydd a'r Fro 2024 yn dathlu popeth creadigol ac yn dweud "gadewch i ni fynd amdani, man a man a mwnci!" a’r teitl yw Man a man a mwnci

 

Mae Man a man a mwnci yn arddangosfa diwedd blwyddyn gyffrous dan arweiniad myfyrwyr sy'n arddangos gwaith yr Adran Greadigol yng Ngholeg Caerdydd a'r Fro (CCF). Mae'r arddangosfa'n agor o ddydd Sadwrn 25 Mai i ddydd Sadwrn 29 Mehefin 2024 (ac yn dod i ben am 3.30pm).

 

Mae Oriel Gelf Ganolog, oriel hardd Cyngor Bro Morgannwg, yn cynnig cyfle gwych i'r myfyrwyr gyflwyno eu casgliad o waith arloesol a gwreiddiol. Mae'r gweithiau celf yn amrywiol iawn, o gerameg, tecstilau, ffotograffiaeth, 3D a chelf gain. Mae'r arddangosfa hon yn gyfle unigryw i rai o'r artistiaid gyflwyno eu gwaith mewn oriel broffesiynol ac i gynulleidfa eang.  

 

Mae'r gwaith celf sy'n cael ei arddangos wedi'i ddewis o ystod o gyrsiau sydd ar gael yn y coleg sy'n cynnwys cyrsiau Celf a Dylunio a Chyfryngau Prifysgol y Celfyddydau Lefel 1 a 2, cwrs Celf a Dylunio Prifysgol y Celfyddydau Lefel 3 a Diploma Estynedig a'r Radd Sylfaen Arlunydd Dylunydd: Gwneuthurwr. Mae pob cwrs yn annog dull creadigol gwahanol fel celfyddyd gain a phaentio, cerameg, cerflunwaith, tecstilau, dylunio graffeg a mwy.   

 

Dywedodd y Cynghorydd Rhiannon Birch, Aelod Cabinet dros Addysg, y Celfyddydau a'r Gymraeg: “Rydym yn falch iawn o gynnal arddangosfa diwedd blwyddyn Coleg Caerdydd a'r Fro yn yr Oriel Gelf Ganolog.

 

Rydym yn gobeithio y bydd y myfyrwyr yn dysgu llawer am sefydlu, curadu, a threfnu eu gwaith celf. Bydd y profiad yn yr Oriel Gelf Ganolog yn garreg camu ardderchog tuag at yrfaoedd y myfyrwyr yn y celfyddydau yn y dyfodol neu, ym mha beth bynnag maen nhw'n penderfynu ei wneud.”

 

Mae'r thema eleni yn rhoi llwyfan i arddangos eu gwaith gyda'i gilydd mewn un lle. Mae'n benllanw taith greadigol yr unigolion hyn cyn iddynt ddechrau ar gam nesaf eu gyrfaoedd.  

 

Cynhelir digwyddiad agored ar gyfer y cyhoedd, ffrindiau a theulu ar ddydd Mercher 19 Mehefin rhwng 6pm ac 8pm lle cewch gyfle i gwrdd â'r artistiaid. Rydym yn gobeithio y byddwch yn ymweld â'r oriel i gefnogi'r artistiaid uchelgeisiol hyn o Goleg Caerdydd a'r Fro. 

 

Mae’r Oriel Gelf Ganolog, Neuadd y Dref, Sgwâr y Brenin, Y Barri CF63 4RU ar agor rhwng 9.30am a 4.30pm o ddydd Llun i ddydd Gwener a rhwng 9.30am a 3.30pm ar ddydd Sadwrn. Rydym ar gau ar ddydd Sul. 

 

Sinfonia Cymru posterMae Sinfonia Cymru yn falch o gyhoeddi y byddwn yn ymweld â’r Oriel Gelf Ganolog a lleoliadau eraill yn y Fro fel rhan o Daith Neuaddau Pentref 2024.

 

Ymunwch â ni am gyngerdd byw arbennig yn eich cymuned leol. Mae ein perfformiad yn addo bod yn gymysgedd hyfryd o arddulliau cerddorol, gan ddarparu ar gyfer cynulleidfa amrywiol gyda rhywbeth i bawb ei fwynhau.

 

Byddwch yn barod i gael eich diddanu gan rai o'r cerddorion mwyaf talentog o dan 30 oed yn y DU. Ar ôl y cyngerdd, cewch gyfle i gyfarfod a chymysgu gyda'r artistiaid anhygoel hyn, gan ychwanegu elfen bersonol i’ch profiad cerddorol.

 

Am fwy o wybodaeth ac i archebu tocynnau, ewch i’r ddolen hon

 

Arddangos yn Oriel 

Os oes gennych ddiddordeb mewn arddangos eich gwaith neu gynnal gweithdai neu ddigwyddiadau yn oriel Celf Ganolog, llenwch ein ffurflen ar-lein: 

Ffurflen Gais Arddangos

 

Nodwch: Mae’r broses geisio’n un gystadleuol ac ni fydd pob cais yn llwyddiannus.

 

Gwirfoddoli 

Oes gennych ddiddordeb yn y celfyddydau? Mae Oriel Celf Ganolog yn chwilio am wirfoddolwyr. Byddai angen i wirfoddolwyr gynorthwyo ymwelwyr a’r Swyddog Datblygu’r Celfyddydau 

 

 

Crefftau yn Oriel 

Mae amrywiaeth o grefftwaith cyfoes ar werth yn oriel Celf Ganolog gan artistiaid o Gymru ac artistiaid rhyngwladol. Os oes gennych ddiddordeb mewn arddangos a gwerthu eich gwaith celf yn yr oriel, bydd angen i chi ddarparu manylion a lluniau o’ch gwaith ynghyd â CV a/neu lythyr eglurhaol.