Mae'r gwaith i adnewyddu Canolfan Hamdden Llanilltud Fawr wedi'i gwblhau

Fel rhan o fuddsoddiad o £600,000 gan Gyngor Bro Morgannwg i uwchraddio canolfannau hamdden ar draws y sir, mae safle Llanilltud Fawr wedi cael gweld adnewyddu yno’n ddiweddar.

• Dydd Iau, 08 Mis Rhagfyr 2022

  Bro Morgannwg

Daw'r rhaglen adnewyddu ar raddfa eang wrth i'r Cyngor ymestyn ei bartneriaeth gyda Parkwood a Legacy Leisure yn gynharach eleni.

Ochr yn ochr â'r ailwampio, mae'r ganolfan bellach yn gallu brolio ystafell ddosbarth sbin, stiwdio ffitrwydd fawr ac offer campfa newydd.

Mae gwaith tebyg i uwchraddio safleoedd Legacy Leisure yn Y Barri, Penarth a'r Bont-faen yn mynd rhagddo ar hyn o bryd.  

Dwedodd y Cynghorydd Gwyn John, yr Aelod Cabinet dros Hamdden, Chwaraeon a Llesiant: "Roeddwn wrth fy modd yn gweld y cyfleusterau newydd yng Nghanolfan Hamdden Llanilltud Fawr.

"Mae'r safle wedi ei drawsnewid i fod yn lleoliad modern lle gall y gymuned fwynhau cadw'n heini a rhoi cynnig ar ddosbarthiadau ffitrwydd newydd.  

"Gobeithiaf weld llawer o aelodau presennol a newydd yn defnyddio'r cyfleuster newydd ac edrychaf ymlaen at ddatgelu gwaith uwchraddio tebyg ar draws y Fro yn 2023. 

"Da iawn i bawb fu’n rhan o’r gwaith!"