Cyngor Bro Morgannwg yn holi barn y cyhoedd am lwybr ffordd gyswllt newydd bosibl o yr M4 i yr A48

Mae Cyngor Bro Morgannwg yn gofyn i bobl pa lwybr, os o gwbl, ar gyfer ffordd newydd yn cysylltu Cyswllt 34 yr M4 a’r A48 sy’n well ganddynt

• Dydd Mercher, 30 Mis Medi 2020

  Bro Morgannwg

  Rural Vale

Mae delweddau o’r ddau lwybr arfaethedig, a dau gynllun uwchraddio amgen ar gyfer y ffyrdd presennol, i’w gweld ar wefan y Cyngor, lle gall y cyhoedd ddweud eu dweud am ba un y byddent yn ei ddewis.

Bydd y broses ymgynghori ar agor o 30 Medi tan 23 Rhagfyr, ac wedi hynny bydd Cyngor yn dadansoddi’r ymatebion ac yn penderfynu ar y ffordd orau ymlaen.

Dywedodd y Cynghorydd Peter King, Aelod Cabinet Cyngor Bro Morgannwg dros Wasanaethau Cymdogaeth a Thrafnidiaeth: “Nid yw’r Cyngor wedi ffurfio unrhyw farn o gwbl hyd yma ar y dewisiadau posibl ar gyfer ffordd newydd yn y lleoliad hwn.  

“Mae’r dewisiadau posibl ar y cam dylunio cysyniad yn unig.  Cyn y gwneir unrhyw benderfyniadau ar p’un ai i fwrw ymlaen â chreu ffordd newydd i gam nesaf y broses asesu trafnidiaeth, rydym yn gyntaf am holi barn y cyhoedd. 

“Gwahoddir pob parti sydd â diddordeb yn y cynllun hwn ddweud eu barn drwy ymweld â gwefan y Cyngor. Caiff y rhain eu hystyried yn llawn cyn y gwneir penderfyniad ar beth fydd yn digwydd nesaf. Byddwn yn annog pawb i ystyried y dewisiadau yn ofalus a rhoi adborth i ni erbyn 23 Rhagfyr.”

Mae tudalen gwe bwrpasol wedi’i chreu gyda’r holl wybodaeth sydd ei hangen i gwblhau’r ffurflen adborth. 

Mae yna hefyd gyfeiriad e-bost ar gyfer unrhyw un sydd ag ymholiadau i gysylltu â swyddogion y Cyngor.