Hysbysiad Preifatrwydd Dechrau'n Deg

Mae Dechrau'n Deg Bro Morgannwg yn wasanaeth a ddarperir gan Gyngor Bro Morganwg ar y cyd â'n sefydliadau partner. Mae’r Hysbysiad Preifatrwydd hwn ar gyfer cwsmeriaid Dechrau'n Deg Bro Morgannwg a'i nod yw rhoi gwybodaeth i chi am sut rydym yn prosesu gwybodaeth.

Prosesir yr holl ddata personol yn unol â’r Rheoliad Cyffredinol ar Ddiogelu Data (GDPR) a Deddf Diogelu Data 2018.

Nod Dechrau'n Deg yw gwneud gwahaniaeth pendant i gyfleoedd bywyd plant drwy liniaru effaith tlodi, sy'n gysylltiedig â chanlyniadau bywyd gwael yn ystod plentyndod cynnar, gan gynnwys canlyniadau iechyd. Gall y Rhaglen gynnwys pedair hawl sy'n darparu:

• Gofal plant rhan amser o safon uchel wedi’i ariannu i blant 2-3 oed

• Gwasanaeth dwys gan ymwelwyr iechyd

• Mynediad at gymorth rhianta

• Chymorth i ddatblygu lleferydd, iaith a chyfathrebu

Drwy ddull tîm amlddisgyblaethol, sy'n nodi holl anghenion y plentyn a'i deulu ac sy'n darparu ymyriadau darbodus a chymesur, nod Dechrau'n Deg yw sicrhau:

• Bod plant yn iach ac yn ffynnu

• Bod teuluoedd yn alluog ac yn ymdopi

• Bod plant Dechrau'n Deg yn cyrraedd eu potensial

• Pa wybodaeth rydym yn ei chasglu gennych?

  Rydyn ni’n casglu’r data personol canlynol:

  • Gwybodaeth adnabod fel eich enw llawn ac enw llawn eich plentyn

  • Manylion megis dyddiad geni eich plentyn neu'r dyddiad dyledus disgwyliedig

  • Manylion cyswllt gan gynnwys cyfeiriad cartref, rhifau ffôn a chyfeiriadau e-bost

  • Rhifau cyfeirio perthnasol fel rhif GIG

   

  Mae’r data Categori Arbennig a gasglwn yn cynnwys:

  • Hil/ Tarddiad Ethnig

  • Credoau crefyddol

  • Gwybodaeth gorfforol a/neu iechyd meddwl, megis gwybodaeth sy'n ymwneud â datblygiad gwybyddol ac emosiynol

  • Gwybodaeth ddemograffig, a all gynnwys gwybodaeth am aelodau o'r teulu a'r ardal y maent yn byw ynddi, lle bo angen hynny ar wasanaeth perthnasol

  • Rhywedd

  • Gwybodaeth ariannol lle bo'n berthnasol

  • Unrhyw wybodaeth arall sy'n angenrheidiol ar gyfer darparu gwasanaethau Dechrau'n Deg

  Cesglir yr wybodaeth hon er mwyn darparu cymorth perthnasol i deuluoedd cymwys sydd wedi cytuno i gymryd rhan yn y rhaglen. Os ydych wedi rhoi data personol i ni am unigolion eraill, megis aelodau’r teulu neu bobl ddibynnol, sicrhewch fod yr unigolion hynny yn gwybod am y wybodaeth yn yr hysbysiad hwn.
  

   

   

• Sut byddwn yn casglu eich gwybodaeth bersonol?

  Gellir casglu gwybodaeth bersonol drwy:

  • Ffurflenni cofrestru Dechrau'n Deg a ddefnyddir i gofrestru teuluoedd i'r rhaglen Dechrau'n Deg

  • Ffurflenni Atgyfeirio Dechrau'n Deg sy'n galluogi teuluoedd i gael eu hatgyfeirio i elfennau penodol o'r rhaglen Dechrau'n Deg e.e. Blynyddoedd Cynnar

  • Ffurflen derbyn gofal plant i gefnogi mynediad plant i ofal plant Dechrau'n Deg

  • Ffurflenni gwerthuso mewnol Dechrau'n Deg i gasglu data a chanlyniadau

  • Cofrestrau presenoldeb gofal plant

• Pam ydyn ni’n casglu’r wybodaeth yma?

  Rydym yn prosesu'r data personol i gyflwyno'r Rhaglen Dechrau'n Deg. Mae hyn yn cynnwys ond heb ei gyfyngu i'r canlynol:

  • I weld a allech chi neu'ch teulu elwa o unrhyw un o'n gwasanaethau eraill

  • Monitro eich cynnydd chi / cynnydd eich plentyn o bryd i'w gilydd a chofnodi canlyniadau

  • Cofnodi presenoldeb yn y lleoliad gofal plant a sesiynau cymorth eraill

  • Bodloni gofynion adrodd Llywodraeth Cymru

   

  Dyma ein seiliau cyfreithiol ar gyfer prosesu eich data personol:

  • Cydymffurfio â Rhwymedigaeth Gyfreithiol – Erthygl 6(1)(C) GDPR – Byddwn yn prosesu eich data personol fel sy'n angenrheidiol er mwyn cydymffurfio â rhwymedigaeth gyfreithiol

  • Tasg Gyhoeddus - Erthygl 6(1)(e) GDPR – Byddwn yn prosesu eich data personol i gwblhau tasg er budd y cyhoedd neu i arfer awdurdod swyddogol sydd gennym fel corff cyhoeddus

• Beth a wnawn â’ch gwybodaeth?

  Rydym yn ei defnyddio fel rhan o'r rhaglen Dechrau'n Deg.

   

  Caiff y wybodaeth a gesglir ei phrosesu yn unol â gofynion y Rheoliad Diogelu Data Cyffredinol a Deddf Diogelu Data 2018 y DU.

   

  Bydd eich data personol yn cael ei ddefnyddio i:

   

   

   

   

  • Gysylltu â chi ynghylch darparu gwasanaethau sy'n dod o dan Dechrau'n Deg. Mae hyn yn cynnwys trefniadau gofal plant a gwasanaethau cymorth fel cymorth rhianta a/neu gymorth gydag anghenion dysgu ychwanegol

  • Cynnal atgyfeiriadau i sefydliadau partner a fydd yn darparu'r gwasanaeth cymorth sydd ei angen

  • Cydymffurfio â'n rhwymedigaethau cyfreithiol a rheoliadol fel Awdurdod Lleol

  • At ddibenion ymchwil ystadegol ac adrodd, er mwyn gwella'r modd y darperir ein gwasanaethau yn y dyfodol (yn yr achos hwn bydd eich data'n ddienw)

• Gyda phwy y gallem rannu eich gwybodaeth?

  Bydd eich data personol yn cael ei rannu â'n sefydliadau partner, sy'n rhan o'r Rhaglen Dechrau'n Deg. Bydd yr wybodaeth hon yn cael ei rhannu er mwyn darparu gwasanaethau cymorth ac mae'n cynnwys:

  • Bwrdd Iechyd Prifysgol (BIP) Caerdydd a’r Fro

  • Llywodraeth Cymru (ni rennir unrhyw ddata personol – dim ond ystadegau dienw)

  • Lleoliadau Gofal Plant Dan Gontract a Chofrestredig

  • Ysgol eich plentyn

  • Adrannau eraill y Cyngor megis Addysg a Gwasanaethau Plant - lle mae'r wybodaeth yn hanfodol ac yn ofynnol ar gyfer eu gwaith

  Ym mhob achos, byddwn dim ond yn rhannu data i’r graddau y credwn fod angen y wybodaeth yn rhesymol at y dibenion hyn.

• Am ba hyd y byddwn yn cadw eich gwybodaeth?

  Byddwn dim ond yn cadw eich data personol cyn hired ag sydd angen er mwyn cyflawni’r dibenion y cafodd ei gasglu atynt ac am gyfnod yr ydym yn ei ystyried yn angenrheidiol i ymdrin ag unrhyw gwestiynau neu gwynion y byddwn yn eu derbyn, oni bai y dewiswn gadw eich data am gyfnod hirach i gydymffurfio â’n rhwymedigaethau cyfreithiol a rheoliadol.

   

  Mae'r Cyngor yn cadw gwybodaeth yn unol â'i pholisi cadw. Mae copi ar gael ar ei wefan, neu gallwch gael copi drwy gysylltu â'r Adran Gwasanaethau Democrataidd.

   

   

• Eich hawliau

  Mae gennych hawl i ofyn am gopi o unrhyw wybodaeth sydd gennym amdanoch. Rhaid gwneud unrhyw geisiadau o'r fath yn ysgrifenedig i'n Huned Rhyddid Gwybodaeth.

   

  Dan gyfraith diogelu data, mae gennych hawliau sy’n cynnwys:

  Eich hawl mynediad - Mae gennych hawl i ofyn i ni am gopïau o'ch gwybodaeth bersonol.

   

  Eich hawl i gywiro - Mae gennych hawl i ofyn i ni gywiro gwybodaeth bersonol sy'n anghywir yn eich barn chi. Mae gennych hefyd hawl i ofyn i ni gwblhau gwybodaeth sy'n anghyflawn yn eich barn chi.

   

  Eich hawl i ddileu - Mae gennych hawl i ofyn i ni ddileu eich gwybodaeth bersonol dan rai amgylchiadau.

   

  Eich hawl i gyfyngu ar brosesu - Dan rai amgylchiadau mae gennych hawl i ofyn i ni gyfyngu ar brosesu eich gwybodaeth bersonol.

   

  Eich hawl i wrthwynebu prosesu - Mae gennych hawl i wrthwynebu prosesu eich data personol dan rai amgylchiadau.

   

  Eich hawl i gludadwyedd data - Mae gennych hawl i ofyn i ni drosglwyddo'r wybodaeth bersonol a roesoch i ni i sefydliad arall, neu i chi, dan rai amgylchiadau.

   

  Byddwn yn ceisio cydymffurfio â'ch cais ond efallai y bydd gofyn i ni ddal neu brosesu gwybodaeth i gydymffurfio â gofyniad cyfreithiol sydd arnom.

   

  Uned Rhyddid Gwybodaeth

  Cyngor Bro Morgannwg,

  Swyddfeydd Dinesig,

  Heol Holltwn,

  Y Barri,

  CF63 4RU.

   

  Cyfeiriad e-bost: FoiUnit@valeofglamorgan.gov.uk

   

  Mae gan y Cyngor Hysbysiad Preifatrwydd cyffredinol sy'n nodi'n gyffredinol sut mae'n rheoli gwybodaeth bersonol, a gellir gweld copi o'r Hysbysiad Preifatrwydd hwn naill ai ar ei wefan neu gallwch gael copi drwy gysylltu â'r Tîm Llywodraethu Gwybodaeth drwy e-bost. DPO@valeofglamorgan.gov.uk

   

   

   

   

   

   

   

   

   

   

   

   

   

   

   

   

   

   

   

   

   

   

   

   

   

   

   

   

   

   

   

   

   

• Sut i wneud cwyn os oes gennych unrhyw bryderon

  Os oes gennych unrhyw bryderon am ein defnydd o'ch gwybodaeth bersonol, gallwch wneud cwyn i'n Swyddog Diogelu Data, Cyngor Bro Morgannwg, Swyddfeydd Dinesig, Heol Holltwn, Y Barri, CF63 4RU neu e-bostio DPO@valeofglamorgan.gov.uk.

   

  Gallwch hefyd wneud cwyn i Swyddfa'r Comisiynydd Gwybodaeth os ydych yn anhapus â sut rydym wedi defnyddio eich data, ond gofynnwn i chi godi pryderon gyda ni yn gyntaf os yn bosibl gan ein bod yn cymryd ein rhwymedigaethau o ddifrif a byddwn yn ymdrechu i wneud ein gorau i fynd i'r afael ag unrhyw faterion sydd gennych cyn gynted â phosibl.

   

  Cyfeiriad Swyddfa'r Comisiynydd Gwybodaeth:

  Swyddfa’r Comisiynydd Gwybodaeth,

  Wycliffe House

  Water Lane

  Wilmslow

  Cheshire

  SK9 5AF

   

  Rhif llinell gymorth: 0303 123 1113

  Gwefan Swyddfa'r Comisiynydd Gwybodaeth: https://www.ico.org.uk