Adnoddau Cofrestru Pleidleiswyr

Cam 1: Cofrestru i Bleidleisio

Mae bod â’ch enw ar Gofrestr Etholiadol Bro Morgannwg hefyd yn cynnig y manteision canlynol:

• Prawf o gyfeiriad a chyfnod byw ym Mro Morgannwg

• Prawf adnabod

• Tystiolaeth o breswylfa

• Cofnod at ddibenion credyd ac i helpu i wella statws credyd ar gyfer y dyfodol 

    

I gofrestru, ewch i www.gov.uk/cofrestru-i-bleidleisio dim ond 5 munud mae'n ei gymryd!

Sut i Gofrestru

Cam 2: Ymchwil a Gwybodaeth

Paratoi i bleidleisio, mwy o wybodaeth ynghylch lle i ddod o hyd i wybodaeth am ymgeiswyr, pleidiau, ffyrdd o bleidleisio a'ch gorsaf bleidleisio agosaf.

Unwaith y byddwch wedi cofrestru i bleidleisio, gallwch benderfynu sut i bleidleisio yn yr etholiad nesaf. Mae 3 ffordd o bleidleisio:

• Ewch i'ch gorsaf bleidleisio agosaf yn bersonol, ar Ddiwrnod y Bleidlais

• Anfonwch eich papur pleidleisio yn ôl atom yn y post

• Penodwch ddirprwy (person arall) i bleidleisio ar eich rhan naill ai'n bersonol neu drwy'r post

Gwybodaeth Bleidleisio

Darganfyddwr Gorsaf Bleidleisio

Cam 3: Pleidleisio

Gwybodaeth ac arweiniad am y broses bleidleisio.

• Byddwch yn derbyn cerdyn pleidleisio yn y post tua 2 i 3 wythnos cyn y Diwrnod Etholiad sydd ar y gweill.

• Bydd y cerdyn pleidleisio hwn yn dangos pa un o'r 3 modd rydych wedi ei ddewis i bleidleisio.

• Papur pleidleisio yw'r darn o bapur yr ydych yn nodi eich pleidlais arno yn yr orsaf bleidleisio.

• Os byddwch yn pleidleisio drwy'r post byddwch yn derbyn cerdyn pleidleisio i ddweud mai dyma'ch dull pleidleisio ac yna byddwch yn derbyn eich papurau pleidleisio ar wahân tua 10 diwrnod cyn Diwrnod y Bleidlais.

Os ydych am newid y modd y byddwch yn pleidleisio, bydd angen i chi lenwi ffurflen gais a'i hanfon i'ch Swyddfa Cofrestru Etholiadol leol.