Gwybodaeth a chyngor

Mae'n rhaid i awdurdod lleol ddarparu gwybodaeth, cyngor a chymorth am wasanaethau cymorth fel y gall gofalwyr di-dâl ddod o hyd iddynt a'u cyrchu a, lle bo hynny'n briodol, rhoi cymorth i gael mynediad at y gwasanaethau hyn.

Bydd y gwasanaeth hwn yn gweithredu fel pwynt mynediad cyntaf i ddarparu gwybodaeth i helpu pobl i ddeall sut mae'r system gofal a chymorth yn gweithredu yn eu hardal a'r mathau o wasanaeth, gan gynnwys gwasanaethau gofalwyr, sydd ar gael.

Rhaid iddo hefyd gynnwys sut i gael mynediad at y gwasanaethau hyn a sut i godi pryderon am les pobl a allai ymddangos fel pe bai ganddynt anghenion gofal a chymorth, gan gynnwys gofalwyr. 

Bwletin Gofalwyr Di-dal

Hyb Gofalwyr Di-dâl y Fro

Mae Hwb Gofalwyr Di-dâl y Fro yn siop un stop i ofalwyr di-dâl sy'n byw ym Mro Morgannwg a'i nod yw gwella ansawdd bywyd gofalwyr di-dâl. Maent yn darparu gwybodaeth a chymorth i helpu gofalwyr di-dâl yn eu rôl, i wneud y mwyaf o’u bywydau law yn llaw â gofalu a chynnal eu hannibyniaeth.

Mae ganddynt linell gymorth dros y ffôn a gellir cysylltu â nhw hefyd drwy'r rhyngrwyd.

I wneud atgyfeiriad i Hyb Gofalwyr Di-dâl y Fro (gall hyn fod yn hunanatgyfeiriad neu drwy'r gwasanaethau cymdeithasol) cliciwch yma i lenwi'r ffurflen neu ffoniwch 02921 921024.

Gellir gweld staff y ganolfan hefyd mewn gwahanol leoliadau ledled y Fro, yn darparu gwasanaeth galw heibio. Gellir dod o hyd i fanylion lleoliadau ac amseroedd ar eu gwefan neu ar

Facebook https://www.facebook.com/valecarers Neu ffoniwch nhw am fwy o wybodaeth.

• valecarershub@tuvida.org
• https://www.tuvida.org/vale-unpaid-carers-hub

Mae Dewis Cymru’n wefan sydd â’r nod o helpu pobl i gael gafael ar wasanaethau cymorth lleol a chenedlaethol yng Nghymru a dod o hyd i'r wybodaeth a'r cyngor sydd eu hangen arnynt i wella eu lles.

Mae’n cynnig gwybodaeth i’ch helpu i feddwl am yr hyn sy’n bwysig i chi, yn ogystal â gwybodaeth am wasanaethau a phobl yn eich ardal a all fod o gymorth i chi gyda’r pethau sy’n bwysig i chi.

Chwiliwch Dewis Cymru i ddod o hyd i wasanaethau i helpu gofalwyr ym Mro Morgannwg: