Ardal Chwarae y Ffordd Geltaidd i Gael Gwaith Gwella

Mae Cyngor Bro Morgannwg wedi sicrhau arian Adran 106 i fuddsoddi mewn ardal chwarae newydd a gwelliannau bioamrywiaeth ym Mharc y Ffordd Geltaidd, y Rhws.

• Dydd Mawrth, 15 Mis Hydref 2024

  Bro Morgannwg

Cyn bo hir bydd modd i blant a theuluoedd yn y Rhws fwynhau man chwarae newydd ym Mharc y Ffordd Geltaidd yn dilyn rhaglen o waith gwella gwerth £180,000.

Yn dilyn ymgynghoriad â thrigolion a grwpiau cymunedol mewn digwyddiad galw heibio a thrwy arolwg ar-lein, cafodd cynlluniau ar gyfer yr ardal chwarae newydd a gwell eu cwblhau.

Yn y cynlluniau mae siglenni, cylchfan, seesaw, sleidiau, gweithgareddau synhwyraidd, pob un â thema natur ac mae llawer ohonynt yn gynhwysol.

Mae'r gwaith ardal chwarae yn dilyn plannu bwlb, blodau gwyllt a choed ar y safle yn gynharach yn y flwyddyn, mewn partneriaeth â Phartneriaeth Natur Leol y Fro a'r grŵp cymunedol lleol, Replant Rhoose.

Bydd contractwyr yn dechrau gweithio ar y safle ddiwedd mis Hydref 2024 a disgwylir iddynt gymryd tua phum wythnos.

Dywedodd y Cynghorydd Mark Wilson, Aelod Cabinet dros Wasanaethau Cymdogaeth ac Adeiladu: “Diolch i bawb sydd wedi helpu i lunio'r prosiect hwn hyd yn hyn drwy'r camau ymgynghori.

 

“Rwy'n edrych ymlaen at weld y dyluniadau'n dod yn fyw, a'r cyfleuster sydd wedi'i uwchraddio yn agored i'r gymuned.

 

“Rwy'n gobeithio y bydd yr ardal chwarae newydd ac yn cael ei fwynhau gan blant am flynyddoedd i ddod!”