Cyngor yn cyflwyno hysbysiad stop i ddatblygiad yn Sili 

Mae Cyngor Bro Morgannwg wedi cyflwyno hysbysiad i’r holl waith datblygu ar lain o dir yn Sili ddod i ben wedi derbyn tystiolaeth y gallai fod wedi arwain at ddinistrio nythod adar.

• Dydd Gwener, 31 Mis Mawrth 2023

  Bro Morgannwg

Cyflwynwyd yr hysbysiad gan swyddogion heddiw a rhoddwyd gwybod i Cyfoeth Naturiol Cymru a'r Swyddog Bywyd Gwyllt a'r Amgylchedd. Mae'r hysbysiad stop yn golygu bod yn rhaid i'r holl waith datblygu ddod i ben nes bod y datblygwr yn cael caniatâd ar gyfer unrhyw waith arfaethedig.

Nid yw cais cynllunio boddhaol ar gyfer y gwaith dan sylw wedi'i dderbyn eto, ond mae'n ymddangos bod gwaith paratoi i newid lefelau'r ddaear yn dal wedi digwydd. 

Ni chyflenwid dogfennau cysylltiedig â'r cais annilys sydd wedi'i dderbyn. Gwaith papur angenrheidiol yw hyn gan y byddai hyn yn cael ei ystyried yn ddatblygiad mawr oherwydd arwynebedd y safle.

Mae angen cynnal ymgynghoriad statudol cyn ymgeisio ac nid yw hynny wedi digwydd. 

Dywedodd y Cynghorydd Lis Burnett, Arweinydd Cyngor Bro Morgannwg: "Mae'r Cyngor yn ymwybodol o ddyfnder teimladau lleol ynghylch y datblygiad arfaethedig hwn ac yn bryderus iawn ynghylch y diffyg ymgysylltu â gweithdrefnau cynllunio priodol hyd yn hyn.

 

"Mae swyddogion yn monitro'r safle hwn yn agos ac ni fyddant yn oedi cyn ymyrryd eto os canfyddir bod tramgwyddau pellach wedi’u gwneud."