Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Dydd Mercher, 06 Mis Rhagfyr 2023
Bro Morgannwg
Cafodd Strategaeth Coed newydd ei hystyried gan Gabinet yr Awdurdod yr wythnos hon a bydd nawr yn destun ymgynghoriad cyhoeddus.
Mae'r strategaeth yn cynnwys ymgyrch i wella gorchudd coed ar dir y Cyngor - yr ardal a gysgodir gan ganghennau - gan bump y cant dros y 15 mlynedd nesaf.
Mae hyn yn rhan o Brosiect Sero, cynllun y Cyngor i fod yn garbon niwtral erbyn 2030, a bydd yn cynnwys gweithio mewn partneriaeth â thirfeddianwyr lleol a grwpiau cadwraeth.
Dwedodd y Cynghorydd Mark Wilson, Aelod Cabinet Cyngor Bro Morgannwg dros Wasanaethau Cymdogaeth ac Adeiladau: "Mae'r Cyngor wedi datgan argyfwng hinsawdd a natur yn ystod y blynyddoedd diwethaf ac mae wedi ymrwymo i fynd i'r afael â'r heriau sylweddol hyn. "I'r perwyl hwnnw, gwnaethom lansio Prosiect Sero yn 2021 i dorri yn ôl yn sylweddol ar allyriadau CO2 cyn diwedd y degawd. "Mae plannu coed ac ailwylltio yn elfennau pwysig o'r fenter honno. Rydym eisoes wedi dechrau creu dolydd i gynyddu bioamrywiaeth yn y Fro, nawr mae'r strategaeth hon yn nodi ein cynlluniau ynghylch gorchudd coed. "Bydd y Bartneriaeth Natur Leol a grwpiau eraill yn chwarae rhan bwysig yn llwyddiant y strategaeth hon, a byddwn hefyd yn dibynnu ar gefnogaeth gan dirfeddianwyr preifat. "Bydd ymgynghoriad cyhoeddus ynglŷn â'r cynigion hyn yn cychwyn yn fuan a byddwn yn annog pob parti sydd â diddordeb i rannu eu barn."
Dwedodd y Cynghorydd Mark Wilson, Aelod Cabinet Cyngor Bro Morgannwg dros Wasanaethau Cymdogaeth ac Adeiladau: "Mae'r Cyngor wedi datgan argyfwng hinsawdd a natur yn ystod y blynyddoedd diwethaf ac mae wedi ymrwymo i fynd i'r afael â'r heriau sylweddol hyn.
"I'r perwyl hwnnw, gwnaethom lansio Prosiect Sero yn 2021 i dorri yn ôl yn sylweddol ar allyriadau CO2 cyn diwedd y degawd.
"Mae plannu coed ac ailwylltio yn elfennau pwysig o'r fenter honno. Rydym eisoes wedi dechrau creu dolydd i gynyddu bioamrywiaeth yn y Fro, nawr mae'r strategaeth hon yn nodi ein cynlluniau ynghylch gorchudd coed.
"Bydd y Bartneriaeth Natur Leol a grwpiau eraill yn chwarae rhan bwysig yn llwyddiant y strategaeth hon, a byddwn hefyd yn dibynnu ar gefnogaeth gan dirfeddianwyr preifat.
"Bydd ymgynghoriad cyhoeddus ynglŷn â'r cynigion hyn yn cychwyn yn fuan a byddwn yn annog pob parti sydd â diddordeb i rannu eu barn."
Gallwch ffeindio manylion am sut i gymryd rhan yn yr ymarfer ymgysylltu yma cymrydrhan.valeofglamorgan.gov.uk/strategaeth-goed