Maeacha Penarth Ar Faes Hamdden Cwrt-Y-Vil I Gael Ei Huwchradd

Bydd Cyngor Bro Morgannwg yn buddsoddi tua £90,000 i uwchraddio'r Ardal Chwaraeon Aml-ddefnydd (AChA) ar Faes Hamdden Cwrt-Y-Vil.

• Dydd Mercher, 12 Mis Hydref 2022

  Bro Morgannwg

Ar hyn o bryd, mae contractwyr yn cyflwyno dyluniadau ar gyfer y prosiect, fydd yn golygu bod cyfleusterau'n cael eu hadnewyddu a'u gwella.

Daw hyn wedi i Grŵp Gweithredu Ieuenctid Penarth nodi'r safle fel un yr hoffent ei weld yn cael ei wella.

Mae disgwyl i'r gwaith yn y lleoliad ar Heol Sant Marc ym Mhenarth ddechrau yn fuan ac i hynny gael ei gwblhau erbyn mis Mawrth.

Mae’r ailddatblygiad hwn yn rhan o raglen eang i wella cyfleusterau chwarae ledled y Fro.

Mae'n dilyn gwaith diweddar tebyg yn ardal chwarae St David's Crescent ym Mhenarth, Windmill Lane yn Llanilltud Fawr a Chlos Peiriant a Central Park yn Y Barri.

Meddai'r Cynghorydd Mark Wilson, Aelod Cabinet dros Wasanaethau Cymdogaeth a Gwasanaethau Adeiladau:

"Rwy'n edrych ymlaen at weld ein gwaith gwella ardaloedd chwarae eang yn parhau gyda phrosiect i adnewyddu'r AChA ar y Maes Hamdden ym Mhenarth.

 

"Mae'r gwaith hwn wedi golygu bod cyfleusterau'n cael eu huwchraddio ledled y Fro, gan roi mannau ymgysylltu modern a diogel i blant wneud ymarfer corff.

 

"Mae aros yn actif yn hanfodol bwysig ym mhob cyfnod o fywyd, yn bennaf pan yn ifanc fel y gall gwneud hynny sefydlu arferion iach sy'n para am oes.

 

"Mae mwy o uwchraddio ar y gweill, gyda newyddion i ddilyn maes o law."