Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Dydd Mawrth, 15 Mis Mawrth 2022
Bro Morgannwg
Mae'r Cyngor wedi gosod targed uchelgeisiol o sefydlu 50 o fusnesau newydd drwy'r cynllun. Bydd grantiau o hyd at £5000 ar gael i helpu i dalu am y gost o ddechrau menter newydd. Hwn fydd y pedwerydd cynllun o'r fath y mae'r awdurdod lleol wedi'i weithredu yn ystod y blynyddoedd diwethaf, gyda 75 o fentrau wedi'u sefydlu o ganlyniad.
Dywedodd Y Cynghorydd Lis Burnett, Dirprwy Arweinydd y Cyngor a’r Aelod Cabinet dros Addysg ac Adfywio: "Mae datblygu economaidd a chreu swyddi wedi bod yn ffocws i'r Cyngor hwn ers amser maith ac mae ein cynllun bwrsariaeth newydd yn fwy fyth o dystiolaeth o hynny. "Mae rowndiau blaenorol wedi'u targedu at bobl ifanc 18-30 oed ond rydym yn gwybod bod pobl o bob oed ledled y Fro gyda syniadau gwych ar gyfer busnesau newydd. Mae bob amser yn bleser taro ar draws pobl a gefnogwyd mewn rowndiau blaenorol a gobeithio y bydd llawer mwy o lwyddiannau yn y dyfodol. "Gyda chymaint o gyfleoedd yn agor o ganlyniad i waith adfywio'r Cyngor ni fu erioed amser gwell i wneud busnes ym Mro Morgannwg ac rwy'n edrych ymlaen at weld beth fydd ein 50 o fusnesau newydd yn dod ag ef yn sgil hynny."
Mae'r Cyngor wedi dyrannu hyd at £159,0744 i ariannu'r cynllun, gyda £60,000 ychwanegol yn dod o Sefydliad Waterloo. Dywedodd Anna Rees, Rheolwr Cronfa Cymru ar gyfer Sefydliad Waterloo: "Mae Sefydliad Waterloo yn falch iawn o gefnogi Cynllun Bwrsariaeth Bro Morgannwg unwaith eto gyda'r nod o helpu pobl i ddechrau eu busnesau eu hunain. Gobeithiwn y bydd mwy o ddarpar entrepreneuriaid yn manteisio ar y cynllun, a'r cyfleoedd busnes ehangach y mae'n eu cynnig, wrth iddynt gael cymorth ar eu taith i hunangyflogaeth." Bydd y cynllun bwrsariaeth yn agor i ymgeiswyr o 01 Ebrill 2022. Bydd rhagor o wybodaeth am sut i wneud cais ar gael ar wefan y Cyngor o'r dyddiad hwn.