Gwaith wedi dechrau ar ddatblygiad tai cyngor y Barri

Bydd gwaith yn dechrau'n fuan ar ddatblygiad a fydd yn darparu 23 o dai cyngor newydd yn Hayes Road yn y Barri

• Dydd Llun, 26 Mis Hydref 2020

  Bro Morgannwg

  Barri

Yn cynnwys 19 eiddo dwy ystafell wely a phedair ystafell wely, mae'r cartrefi hyn yn cael eu hadeiladu gan Pegasus Developments Ltd ar safle tir llwyd ger Ystâd Fasnachu’r Iwerydd.

Byddant yn rhoi hwb i stoc dai'r Cyngor ac yn helpu i ateb y galw sylweddol am lety o'r math hwn.

Daw'r cyhoeddiad hwn wrth i waith ar ddatblygiad tai Cyngor arall yn Llys Llechwedd Jenner gael ei gwblhau; prosiect gwerth £3.5 miliwn a ddarparodd 28 o gartrefi pwrpasol newydd.

Ac mae cynllun i adeiladu 11 o gartrefi newydd yn Holm View yn y Barri, y mae pedwar ohonynt yn fyngalos wedi'u haddasu'n arbennig i fodloni anghenion aelod anabl o'r teulu, hefyd bron â'i gwblhau. 

Dywedodd y Cynghorydd Margaret Wilkinson, Aelod Cabinet Cyngor Bro Morgannwg dros Wasanaethau Tai ac Adeiladu: "Mae'r angen am dai Cyngor yn cynyddu felly mae’n hanfodol ein bod yn darparu ar gyfer hynny drwy adeiladu eiddo o'r ansawdd gorau." 

"Mae'r tai hyn yn cael eu hadeiladu i'r fanyleb uchaf a byddant yn creu cartrefi modern cyfforddus i deuluoedd.

"Dyma'r diweddaraf mewn cyfres o ddatblygiadau difrifol a gynlluniwyd i hybu ein stoc tai cymdeithasol a darparu ar gyfer anghenion ein trigolion."