Ystafelloedd newid ar eu newydd wedd yng Nghanolfan Hamdden Penarth

Mae gwaith adnewyddu i greu pentref newid cynllun-agored modern yng Nghanolfan Hamdden Penarth bellach wedi'i gwblhau.

• Dydd Mawrth, 18 Mis Chwefror 2020

  Penarth

Mae yna gyfleusterau newid pwll nofio gyda chawodydd a thoiledau newydd, ynghyd â mannau newid chwaraeon sych.

Mae’r pentref newid yn defnyddio ciwbiclau a loceri i greu gofod hygyrch sy’n rhoi mwy o breifatrwydd i bob defnyddiwr a mwy o le i deuluoedd a grwpiau allu newid gyda’i gilydd.

Mae'r pentref newydd yn cynnwys:

• Mynedfa ychwanegol

• Ciwbiclau newid unigol

• Ardaloedd newid grŵp

• Ciwbiclau newid i deuluoedd

• Cawodydd agored a chiwbiclau

• Toiledau i ddynion a menywod

• Toiled, ciwbiclau newid a chawodydd hygyrch.

Mae'r cyfleusterau newydd yn lân, lliwgar, golau a chynllun-agored.

Mae yna polisi 'dim sgidiau' yn ardaloedd newid y pwll i helpu i sicrhau hylendid a chynnal a chadw gwell.

Mae ystafelloedd newid a phwll nofio Canolfan Hamdden Penarth ar agor yn barod ar gyfer hanner tymor. 

Canolfan Hamdden Penarth