Pasg Gartref fis Ebrill eleni

Garddio

Dyma ychydig o syniadau gan ein Tîm Parciau a Gerddi am sut i wneud y gorau o’r ardd neu unrhyw ofod personol yn yr awyr agored sydd efallai gennych dros Ŵyl y Banc.

• Torri’r Gwair

  Rydym yn dwlu ar arogl glaswellt ffres wedi’i dorri!  Ond peidiwch â’i dorri’n rhy isel - mae’n gwanhau’r glaswellt ac yn gadael i fwsogl ffynnu.

   

  Os ydych yn gweld eich bod yn gadael digon o lygaid y dydd ar gyfer y gwenyn, dyna uchder cywir y torri ar gyfer lawnt deuluol dda.

• Tyfu’ch Llysiau Eich Hun

  

  Mae bron yn amser plannu unrhyw eginblanhigion tomatos, courgettes, a pherlysiau gan fod y tywydd yn edrych cystal. 

   

  Mae’r rhain yn wych oherwydd y gellir eu tyfu mewn potiau a blychau ffenestri os oes rhai gennych. Cyn belled â bod rhywfaint o le y tu allan gennych, hyd yn oed os nad gardd yw hi, gallwch roi cynnig arni. 

   

  Gan fod canolfannau garddio ar gau, gall fod yn anodd cael gafael ar blanhigion, ond mae’n bosibl y byddwch yn gallu cael potiau o berlysiau o’r archfarchnadoedd.

• Chwynnu

  Gwnewch ychydig o chwynnu, ond peidiwch ag anghofio gadael clwt sylweddol ar gyfer bywyd gwyllt, gall hyn helpu i greu mannau nythu/gaeafgysgu ar gyfer draenogod.

   

  Ddim yn siŵr ai chwyn ai peidio? Mae Gardeners World wedi llunio canllaw defnyddiol o’r chwyn mwyaf cyffredin:

   

  Canllaw adnabod eginblanhigion chwyn yr ardd

• Blodau Gwyllt

  Nawr yw’r amser perffaith i baratoi’r tir a hau unrhyw hadau blodau gwyllt a allai fod gennych.

   

  Ceisiwch waredu unrhyw chwyn a pharatoi’r pridd. Mae cymysgu’r hadau mân gyda thywod sych yn ei gwneud hi’n haws gweld lle rydych chi wedi bod wrthi’n hau.  Defnyddiwch y rhaca yn ysgafn i’w setlo yn y pridd ac yna  gadewch lonydd iddynt.

• Cystadleuaeth Blodyn yr Haul

  Yn chwilio am rywbeth i ddiddanu’r teulu cyfan? Beth am drefnu cystadleuaeth blodyn yr haul, nawr yw’r amser delfrydol i ddechrau! 

   

  Sut i dyfu Blodau'r Haul o hadau

I gael rhagor o awgrymiadau garddio, ewch i:

Creu eich Helfa Wyau Pasg eich Hun

Diddanwch y plant wrth greu eich helfa wyau eich hun o gwmpas y tŷ a’r ardd. Bydd angen i chi ysgrifennu cliwiau a chael eich plant i’w dilyn nhw cyn cyrraedd y trysor ar y diwedd.

Beth sydd angen i chi ei wneud:

• Cynllunio eich taith

• Ysgrifennu cliwiau, dylai pob cliw eu harwain at y nesaf.

• Cuddio’r cliwiau

• Cuddio’r trysor (cofiwch ei guddio yn rhywle diogel ac o gyrraedd unrhyw anifail anwes!)

Dyma rai syniadau i’ch helpu i gychwyn arni:

• Cliw: Rydych chi’n blino ac yn pendwmpian, mae’n bryd gorffwys a mynd i’r…
  Ateb: Gwely

• Cliw: Mae syched arnoch chi ac rydych chi angen diod, ewch i nôl gwydr ac ewch at y… 

  Ateb: Sinc

• Cliw: Mae’r golch yn lân ac yn barod i’w sychu, peidiwch â gwastraffu amser, rhowch e ar y…
  Ateb: Lein ddillad

Gwyliau o gartref! 

Ymwelwch â thirnodau mwyaf eiconig y byd, treillio orielau mawreddog a hyd yn oed fynd ar daith i'r gofod. Mae teithiau rhithwir yn ffordd wych i chi deithio'r byd, heb adael eich tŷ. 

Cadwch yn actif 

Mae ymarfer corff o fudd i'n lles corfforol a meddyliol. Cyrchwch gannoedd o ddosbarthiadau a fideos ar-lein i'ch helpu i gadw'n heini gartref. 

Ap y Ganolfan Hamdden 

O HIIT, sesiynau ffitrwydd dawns a chrefft ymladd i ymwybyddiaeth ofalgar, sesiynau plant ac ymarferion ôl-rannol. Gallwch chi ffrydio dros 100 o fideos yn uniongyrchol i'ch ffôn symudol. 

 

Ap y Ganolfan Hamdden

Fideos Tîm Atgyfeirio Ymarfer 

Mae ein Tîm Atgyfeirio Ymarfer Corff wedi ffilmio amrywiaeth o fideos ymarfer corff hawdd eu dilyn. Fe'u dyluniwyd i helpu i'ch cadw'n symudol gydag ychydig neu dim offer. 

 

Fideos Tîm Atgyfeirio Ymarfer

A.G. gyda Joe Wicks 

Ffefryn i blant ac oedolion. Mae gan gyfrif YouTube The Body Coach dros 250 o weithdai HIIT am ddim. Mae Joe hefyd yn cynnal llif byw dosbarth A.G. am 9am bob bore! 

 

A.G. gyda Joe Wicks

Yn anad dim, byddwch yn greadigol! 

Nawr yw'r amser i ddarganfod eich artist, gwneuthurwr ffilmiau, llyngyr llyfrau neu dditectif mewnol.