Contract Cŵn Strae Newydd

Bydd contract cŵn strae newydd gyda Hope Rescue yn dechrau fis Ebrill. Bydd y contract newydd yn cwmpasu Gorllewin y Fro a Phen-y-bont ar Ogwr.

• Dydd Mercher, 28 Mis Mawrth 2018

  Bro Morgannwg

O hyn ymlaen bydd angen mynd â chŵn strae a ganfyddir ym Mro Morgannwg naill ai i Ganolfan Hope Rescue neu i Gartref Cŵn Caerdydd, yn dibynnu ar ble’r ydych yn byw neu ble y canfu’r ci. 

Casgliadau

Nid yw Hope Rescue yn cynnig casgliadau y tu allan i oriau.  Os dewch o hyd i gi strae, cysylltwch â Cyswllt Un Fro a chael cyfeirnod. Yna bydd Cyswllt Un Fro yn rhoi gwybod i Hope Rescue am bob ci strae a ganfuwyd y tu allan i oriau dros y ffôn a thrwy e-bost.

Gwasanaeth Gollwng 24 awr

Mae Hope Rescue yn cynnig gwasanaeth gollwng 24 awr yn eu cyfleuster ar gyfer unrhyw gi strae y deuir o hyd iddo. 

Os ydych wedi colli ci, fe’ch cynghorir i gysylltu â’r llety cŵn yn eich ardal i gychwyn, yna’r llety cŵn y tu allan i’ch ardal rhag ofn y daethpwyd o hyd i’ch ci y tu allan i’r ffiniau. Er enghraifft, os ydych yn byw yn y Rhws, cysylltwch â CCC yn gyntaf, yna Hope Rescue os nad ydych yn llwyddiannus.