Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Dydd Llun, 11 Mis Medi 2017
Bro Morgannwg
Bydd Llamau, sefydliad sydd wedi bod yn gweithio am fwy na 30 mlynedd i helpu’r digartref a phobl ifanc agored i niwed ledled Cymru, yn derbyn £18,000 dros y flwyddyn ariannol nesaf, a fydd yn mynd at ei brojectau Cynghori a Llety â Chymorth.Wedi ei leoli yn 236, Heol Holltwn, y Barri, mae Llamau yn rhedeg siop untro i bobl ifanc 16 – 25 oed sydd angen cartref yn y Fro.Mae’n cynnig cyngor ar dai a budd-daliadau, gwasanaeth cyfryngu i deuluoedd, gwasanaethau atal digartrefedd, cynllun llety â chymorth a chymorth i denantiaid.Mae’r cynllun Llety â Chymorth yn rhoi’r cyfle i’r rhai hynny sydd ag ystafell sbâr i adael i berson ifanc ei defnyddio, a fydd yn ei dro yn helpu i ddatblygu’r sgiliau sydd eu hangen arnynt i fyw’n annibynnol. Dyma fydd y 12fed blwyddyn yn olynol i’r Cyngor roi cymorth grant i Llamau.Yn ogystal â rhoi cefnogaeth i’r mentrau hyn, mae’r Cyngor hefyd wedi addo £5,000 i Broject Home Access y Tabernacl.Mae’r cynllun hwn, sy’n cael ei redeg gan Eglwys Bedyddwyr y Tabernacl ym Mhenarth trwy’r elusen Home Access, yn cynnig cyngor a chymorth i’r rhai hynny sy’n ddigartref neu dan fygythiad o fod yn ddigartref yn y Fro.
“Dywedodd y Cyng. Andrew Parker, Aelod Cabinet Cyngor Bro Morgannwg dros Dai a Gwasanaethau Adeiladau: “Mae digartrefedd yn broblem enfawr yn genedlaethol ac, er bod nifer y bobl sy’n canfod eu hunain yn y sefyllfa honno yn y Fro yn isel o’i gymharu â rhannau eraill o’r wlad, mae’n fater yr un mor ddistrywiol i’r rheiny sydd yn wynebu digartrefedd.“Gobeithiwn y bydd yr arian y mae’r Cyngor wedi ei ymrwymo i Llamau ac i broject Home Access Eglwys Bedyddwyr y Tabernacl yn helpu i sicrhau parhad y gwaith gwerthfawr maen nhw’n ei wneud i helpu rhai o aelodau mwyaf bregus ein cymunedau. - Dywedodd y Cyng. Andrew Parker, Aelod Cabinet Cyngor Bro Morgannwg dros Dai a Gwasanaethau Adeiladau. "Rydym yn hynod ddiolchgar am y gefnogaeth sydd wedi ei rhoi i Llamau gan Gyngor Bro Morgannwg. Mae ein perthynas barhaus â’r Cyngor yn sicrhau'r canlyniadau gorau ar gyfer pobl ifanc sy’n agored i niwed yn y Fro, sy’n profi digartrefedd. Mae Cyngor Bro Morgannwg wastad wedi bod yn rhagweithiol wrth fynd i’r afael â digartrefedd a phobl sy’n agored i niwed ac mae Llamau yn falch dros ben i barhau i weithio mewn partneriaeth â nhw.” - Dywedodd Frances Beecher, Pryf Weithredwr Llamau
“Dywedodd y Cyng. Andrew Parker, Aelod Cabinet Cyngor Bro Morgannwg dros Dai a Gwasanaethau Adeiladau: “Mae digartrefedd yn broblem enfawr yn genedlaethol ac, er bod nifer y bobl sy’n canfod eu hunain yn y sefyllfa honno yn y Fro yn isel o’i gymharu â rhannau eraill o’r wlad, mae’n fater yr un mor ddistrywiol i’r rheiny sydd yn wynebu digartrefedd.“Gobeithiwn y bydd yr arian y mae’r Cyngor wedi ei ymrwymo i Llamau ac i broject Home Access Eglwys Bedyddwyr y Tabernacl yn helpu i sicrhau parhad y gwaith gwerthfawr maen nhw’n ei wneud i helpu rhai o aelodau mwyaf bregus ein cymunedau. - Dywedodd y Cyng. Andrew Parker, Aelod Cabinet Cyngor Bro Morgannwg dros Dai a Gwasanaethau Adeiladau.
"Rydym yn hynod ddiolchgar am y gefnogaeth sydd wedi ei rhoi i Llamau gan Gyngor Bro Morgannwg. Mae ein perthynas barhaus â’r Cyngor yn sicrhau'r canlyniadau gorau ar gyfer pobl ifanc sy’n agored i niwed yn y Fro, sy’n profi digartrefedd. Mae Cyngor Bro Morgannwg wastad wedi bod yn rhagweithiol wrth fynd i’r afael â digartrefedd a phobl sy’n agored i niwed ac mae Llamau yn falch dros ben i barhau i weithio mewn partneriaeth â nhw.” - Dywedodd Frances Beecher, Pryf Weithredwr Llamau