Gwobr arloesi o fri i broject Rooms4U Cyngor Bro Morgannwg

Mae project tai a rennir, Rooms4U, sy’n cael cyllid gan Crisis UK wedi ennill gwobr mawr ei bri Pat Chown am arloesi ym maes tai.  

• Dydd Gwener, 20 Mis Hydref 2017

  Bro Morgannwg

Mae Rooms4U, sy’n cael ei gynnal gan Gymdeithas Tai Newydd â chymorth gan Gyngor Bro Morgannwg, yn broject peilot ym Mro Morgannwg. Ei nod yw helpu pobl ifanc iau na 35 oed i osgoi digartrefedd drwy rannu tai.  

Cafodd y project ei lansio 17 mlynedd yn ôl gan Dai Cymunedol Cymru er cof am Pat Chown a fu’n helpu eraill drwy gydol ei bywyd.

Y nod yw uno pobl ifanc i roi cymorth i’w gilydd yn eu cartref eu hunain.  

Cafodd Rooms4U wobr a £1,000 yng Nghynhadledd One Big ddydd Iau 5 Hydref yng Ngwesty Metropole yn Llandrindod.  

“Dw i wedi cyffroi’n lân bod Rooms4U wedi ennill Gwobr Mawr ei Bri Pat Chown.  

 

"Pan fo tenant ifanc yn dweud wrthych chi y buodd e’n yfed bob dydd ac yn dioddef iselder, ac y gwnaeth ystyried hunanladdiad, ond nawr mae’n teimlo’n grêt oherwydd bod ganddo gartref sefydlog gyda phobl o’r un anian lle y mae’n gynnes, mae’n bwyta’n dda ac mae wedi dechrau chwilio am swydd, mae’n bendant yn rhoi boddhad mawr i chi.  

 

“Mae’n gyffrous iawn gweld sut y bydd y project yn datblygu dros y misoedd nesaf wrth i ni geisio gwella gyda’r sector rhent preifat.  Bydd y £1,000 yn mynd tuag at Fanc Bwyd y Fro yn y Barri i helpu pobl os byddan nhw’n wynebu anawsterau ariannol.”

- Hazel Davies, Swyddog Project Rooms4U.