Ymgynghori ar Eiriolaeth Caerdydd a'r Fro

Rydym yn ceisio'ch barn i lywio datblygiad ac ansawdd y Strategaeth Ranbarthol ddrafft

Dyddiad Cau: 30 Ebrill 2021

Beth yw Eiriolaeth?

Eiriolaeth yw cymryd camau i helpu pobl i ddweud beth maen nhw ei eisiau, sicrhau eu hawliau, cynrychioli eu buddiannau a chael y gwasanaethau mae arnynt eu hangen. Mae eiriolwyr a chynlluniau eiriolaeth yn gweithio mewn partneriaeth â'r bobl y maent yn eu cefnogi ac yn cymryd eu hochr. Mae eiriolaeth yn hyrwyddo cynhwysiant cymdeithasol, cydraddoldeb a chyfiawnder cymdeithasol.” (Action for Advocacy, 2002).

Mae'r Cod Ymarfer ar gyfer Eiriolaeth yn dweud y dylai'r trefniadau ar gyfer cynllunio, comisiynu, monitro neu adolygu gwasanaethau eirioli yn yr ardal gynnwys yr egwyddorion canlynol. Rhaid i'r broses sicrhau bod pobl yn cael eu grymuso i fynegi eu barn, eu dymuniadau a'u teimladau eu hunain ac y gallant gymryd rhan lawn fel partneriaid cyfartal. 

Dylai gwasanaethau eirioli:

• gael eu harwain gan farn a dymuniadau'r unigolyn

• hyrwyddo hawliau ac anghenion yr unigolyn 

• cael cyhoeddusrwydd da a bod yn hawdd eu defnyddio 

• gweithio i'r unigolyn yn unig

• cael eu rheoli'n dda, bod yn brydlon, yn ymatebol a rhoi gwerth am arian

• parchu cyfrinachedd 

• gweithredu gweithdrefn Gwyno a Chanmol effeithiol a hygyrch 

• hyrwyddo a monitro cydraddoldeb