Datblygu Cyfleuster Adfer Adnoddau newydd yn Ystâd Masnach yr Iwerydd

Mae Cyngor Bro Morgannwg yn edrych ymlaen at gyflwyno cais cynllunio ar gyfer 'adeiladu Cyfleuster Adfer Adnoddau gan gynnwys gwaith cysylltiedig' ar dir gwag yn Ystâd Masnach yr Iwerydd.

Mae'r tir wedi'i leoli yn yr ystâd ddiwydiannol a ddyrennir yn y Cynllun Datblygu Lleol Mabwysiedig (CDLl) ar gyfer cyflogaeth. Defnyddiau gan gynnwys B1, B2, B8 o'r gorchymyn dosbarthiadau defnydd ac fel lleoliad addas ar gyfer darparu cyfleusterau rheoli gwastraff cynaliadwy.

Dosberthir y cynnig yn nhermau cynllunio fel ‘datblygiad mawr’ fel y cyfryw mae’n ofynnol cynnal Ymgynghoriad Cyd-ymgeisio ffurfiol gydag ymgynghorwyr statudol a’r gymuned leol cyn cyflwyno’r cais i’r Awdurdod Cynllunio Lleol.

Mae Adran Gwasanaethau Cymdogaeth a Thrafnidiaeth Cyngor Bro Morgannwg yn cynnal yr ymgynghoriad cyn ymgeisio yn unol â'r gofynion a nodir yn Rhan 1A o Orchymyn Cynllunio Tref a Gwlad (Gweithdrefn Rheoli Datblygu) (Cymru) 2012.

Mae'r holl luniadau drafft, adroddiadau a dogfennau ategol atodol perthnasol ar gael i'w harchwilio gan ddefnyddio'r dolenni isod:

Mae rhybudd safle a llythyrau wedi'u postio i eiddo cyfagos, tirfeddianwyr a chynghorwyr lleol ynghylch y datblygiad arfaethedig. Mae rhain yn eu hysbysu o'r broses ymgynghori cyd-ymgeisio ac yn rhoi gwybodaeth ar sut i wneud sylwadau ar y cynnig a chael mynediad at y deunydd uchod. 

Mae copïau caled o'r cynnig wedi'u gosod yn Swyddfeydd y Dociau, Y Barri, sydd ar agor rhyngddynt;

Dydd Llun i ddydd Iau : 08:30 - 17:00 

Dydd Gwener : 08:30 - 16:30 

Sylwch fod y Swyddfeydd Doc ar gau ar Benwythnosau.