Prosiect Synnwyr o Chwarae (Teuluoedd yn Gyntaf)

Ar gyfer plant ag anghenion dysgu ychwanegol 0 - 5 oed, a'u teuluoedd sy'n byw ym Mro Morgannwg.

Sefydlwyd a dyluniwyd y Prosiect Synnwyr o Chwarae gan weithwyr proffesiynol ym Mro Morgannwg ar gyfer plant cyn ysgol ag anghenion arbennig neu ychwanegol.

Mae Synnwyr o Chwarae yn broject o sesiynau chwarae sy’n cael eu cynnig yn eich cartref gan weithiwr chwarae sydd wedi’i hyfforddi i lefel uchel. Bydd y sesiynau, sy’n rhedeg am gyfnod o 6 wythnos, yn rhoi’r cyfle i chi:

• Dreulio awr gyda’ch plentyn lle gallwch brofi syniadau newydd a chwarae gyda’ch gilydd
• Ehangu ac adeiladu perthynas gadarnhaol â’ch plentyn drwy chwarae
• Cydnabod y camau gwahanol yn natblygiad eich plentyn
• Cynnig syniadau a rhannu gwybodaeth am ddatblygiad a chwarae plant

Cynhelir y sesiynau yn y cartref teuluol ar sail 1: 1 ac mae gweithgareddau'n canolbwyntio ar chwarae a datblygu.

Nod y sesiynau yw cefnogi rhieni i gydnabod gwahanol gamau datblygiad eu plentyn a'r rôl maent yn ei chwarae wrth wella hyn ymhellach.

Mae'r sesiynau am 1 awr yr wythnos am hyd at 6 sesiwn, mae'r sesiynau hwyliog a rhyngweithiol yn canolbwyntio ar:

• Chwarae Synhwyraidd
• Chwarae Corfforol
• Caneuon, rhigymau a straeon
• Chwarae anniben

Mae'r ymarferwyr cymorth i deuluoedd yn dod ag amrywiaeth o weithgareddau ac adnoddau sy'n ysgogol, yn hwyl ac yn gwella datblygiad plant.

Cysylltwch â ni

• 01446 732180

• Kathryn.Clarke2@wales.nhs.uk

• KJClarke@valeofglamorgan.gov.uk