Cynllun Cymorth Gofal Plant â Ffocws
Mae'r grant hwn yn cyfrannu at gyflawni ystod o flaenoriaethau Llywodraeth Cymru a blaenoriaethau Gofal Plant a Blynyddoedd Cynnar, a amlinellir yng Nghynllun Gweithredu’r Asesiad Digonolrwydd Gofal Plant.
Un o flaenoriaethau Bro Morgannwg yw cynnig Cymorth Gofal Plant â Ffocws ar gyfer y meini prawf canlynol:
Mae'r cynllun Cymorth Gofal Plant â Ffocws yn cefnogi dwy elfen:
- Plant cyn oed ysgol am un tymor (12 wythnos ar y mwyaf) am hyd at 10 awr yr wythnos cyn dechrau’r addysg gynnar yn yr ysgol, y mae hawl ganddynt i’w chael, y tymor yn dilyn eu pen-blwydd yn dair oed. Gallai hyn fod ar gyfer:
-
- Plentyn sydd ag angen ychwanegol sy'n dod i'r amlwg a/neu sydd â diagnosis - yn dibynnu ar amgylchiadau’r teulu, gallai hyn olygu ariannu'r lleoliad a chymorth ychwanegol (os bydd Fforwm y Blynyddoedd Cynnar yn cytuno)
- Plentyn sydd mewn perygl o gael ei ynysu a/neu o ddiffyg cymdeithasu ac nad yw’n mynychu unrhyw ddarpariaeth gofal plant arall wedi'i hariannu neu heb ei hariannu h.y. Dechrau'n Deg, y cynnig i blant 2 oed, gofal dydd preifat ac ati
2. Plant 4 oed neu hŷn am hyd at 12 awr yr wythnos am uchafswm o 6 wythnos drwy gydol gwyliau'r ysgol (yn ystod un flwyddyn yn unig). Gallai hyn fod ar gyfer:
-
- Plentyn sydd mewn perygl o gael ei ynysu a/neu o ddiffyg cymdeithasu ac nad yw’n manteisio ar unrhyw gynllun arall a ariennir h.y. cynlluniau chwarae, y Cynnig Gofal Plant, y Rhaglen Hwyl a Bwyd ac ati oherwydd ariannu dwbl.
Noder: Mae llawer o gynlluniau a ariennir gan y Llywodraeth ar gael i rieni sy'n gweithio y mae'n rhaid eu hystyried cyn i atgyfeiriad gael ei wneud neu ei dderbyn drwy gynllun Cymorth Gofal Plant â Ffocws y Fro.
I gael mwy o wybodaeth am gymorth ariannol ar gyfer gofal plant, cysylltwch â'r Gwasanaeth Gwybodaeth i Deuluoedd neu neu ewch i'w tudalen we 'Dewis Gofal Plant':
Atgyfeiriadau
Gall sefydliad/ysgol neu weithiwr proffesiynol y mae'r teulu yn gweithio gydag ef wneud atgyfeiriad. Ni allwn dderbyn atgyfeiriadau gan rieni/gofalwyr. Sicrhewch eich bod yn defnyddio’r ffurflen atgyfeirio cynllun Cymorth Gofal Plant â Ffocws newydd, y mae angen i’r atgyfeirydd a’r rhiant/gofalwr ei llofnodi. Dim ond gyda'r asiantaeth atgyfeirio a'r teulu y byddwn yn gallu trafod atgyfeiriadau.
Er mwyn sicrhau ffordd syml o adolygu atgyfeiriadau, bydd angen i atgyfeirwyr roi gwybodaeth gadarn am pam y mae atgyfeiriad yn cael ei wneud.
Caiff atgyfeiriadau eu trafod gan banel bob pythefnos (lle bo hynny'n bosibl), felly gadewch amser i hyn ddigwydd a byddwn yn cysylltu â chi cyn gynted ag y gallwn. Mae'n bosibl y byddwn yn cysylltu â chi i gael mwy o wybodaeth. Ar ôl i atgyfeiriad gael ei gytuno gan y panel, byddwn yn sicrhau bod yr atgyfeirydd yn cael ei hysbysu o'r canlyniad. D.S. - Gall y broses hon gymryd amser wrth chwilio am ofal plant priodol.
Cynhelir ymweliadau monitro gyda'r lleoliad gofal plant i sicrhau bod anghenion y plentyn yn cael eu bodloni, bod y rhiant/gofalwr yn hapus a bod y plentyn wedi setlo.
Os bydd yr asiantaeth atgyfeirio'n tynnu ei gwasanaeth oddi ar y teulu, bydd dyletswydd arni i'n hysbysu fel y gellir trafod parhau / dileu’r lle Cymorth Gofal Plant â Ffocws.
Nodwch y canlynol o ran y cynllun Cymorth Gofal Plant â Ffocws:
- Mae’n lleoli’r plentyn mewn gofal plant cofrestredig, y tymor cyn iddo ddechrau ei le meithrin addysg gynnar. Cofiwch hyn wrth wneud atgyfeiriad gan ei bod yn bosibl nad lleoliad gofal plant yw'r lle mwyaf priodol i'r plentyn/person ifanc rydych am ei atgyfeirio.
- Nid yw wedi'i ddylunio i gynnig gofal seibiant, i gynnig gofal plant brys neu i gael ei ystyried fel rhan o gynllun gofal y teulu.
- Nid cefnogi anghenion rhieni/gofalwyr yw ei nod.
- Nid yw’n gallu cefnogi plant ar y gofrestr Amddiffyn Plant.
- Os yw presenoldeb plentyn yn afreolaidd, mae gan y cynllun bolisi cadarn y gellir atal y lle gofal plant gan fod rhaid i’r cynllun dalu am y sesiynau a gollwyd o hyd.
I gael mwy o wybodaeth, cysylltwch Tîm Gofal Plant a Blynyddoedd:
Os ydych yn teimlo y gallai eich plentyn elwa ar y cynllun hwn ond nad ydych yn gweithio gydag asiantaethau a nodwyd uchod ar hyn o bryd, cysylltwch â'r Llinell Gyngor Teuluoedd yn Gyntaf ar: