Strategaeth Hygyrchedd 2025-27

Cyflwyniad i'r cynnig

• Cynnig yw hwn i ymgynghori ar y Strategaeth Hygyrchedd Ysgolion drafft 2025-2027. Mae hon yn ddogfen statudol sy’n ofynnol o dan baragraff 2(4) o atodlen 10 Deddf Cydraddoldeb 2010.

• Cynhyrchwyd y Strategaeth Hygyrchedd Ysgolion gan gyfeirio at ddogfen Llywodraeth Cymru Cynllunio i gynyddu mynediad i ysgolion i ddisgyblion anabl https://www.llyw.cymru/sites/default/files/publications/2018-04/planning-to-increase-access-to-schools-for-disabled-pupils.pdf sy'n amlinellu gofyniad y Cyngor i baratoi, gweithredu, adolygu a diweddaru strategaethau hygyrchedd ysgrifenedig ar gyfer ysgolion. Diben y strategaeth yw cefnogi datblygiad amgylcheddau dysgu cwbl gynhwysol lle mae pob dysgwr yn cael y cyfle i lwyddo a chael mynediad i addysg sy’n bodloni eu hanghenion.

Mae'r strategaeth yn amlinellu nodau ac ymrwymiadau'r Cyngor i wella:

• I ba raddau y gall disgyblion anabl gymryd rhan yng nghwricwlwm ysgolion

• Amgylchedd ffisegol ysgolion

• Gallu disgyblion, gofalwyr a theuluoedd i gael gafael ar wybodaeth

• Chyfathrebu a Thryloywder - bod yn agored ac yn onest am yr hyn y gellir ei ddisgwyl neu ei gyflawni.

Mae Cyngor Bro Morgannwg wedi ymrwymo i sicrhau bod pob disgybl yn ei ysgolion a gynhelir a'i leoliadau addysgol yn cael pob cyfle i gyflawni'r canlyniadau gorau posibl. Er mwyn cyflawni'r uchelgais hwn, mae'n hanfodol ein bod yn sicrhau bod ysgolion yn parhau i fod yn gynaliadwy, yn adlewyrchu anghenion ein cymunedau lleol, a bod ganddynt yr amgylcheddau dysgu gorau posibl. Er mwyn cefnogi hyn, mae'r cyngor yn cynnal rhaglen gynhwysfawr o Arolygon Cyflwr o bob ysgol er mwyn sicrhau bod yr holl bryderon hygyrchedd yn cael eu nodi'n glir. I gael rhagor o wybodaeth am ysgol unigol, gofynnwch i'r ysgol am eu Cynllun Hygyrchedd.

I gael rhagor o wydbodaeth am strategaeth y cynghorau, cysylltwch ag schoolorganisation@valeofglamorgan.gov.uk

Bydd y strategaeth yn egluro safbwynt y Cyngor ar wella hygyrchedd i ddisgyblion anabl ac yn amlinellu cyfrifoldebau ysgolion o ran bodloni eu gofynion o ran hygyrchedd gan gynnwys hygyrchedd y cwricwlwm, yr amgylchedd ffisegol a gwybodaeth i ddisgyblion anabl. Mae'r Cyngor wedi ymrwymo i sicrhau bod pob plentyn a pherson ifanc yn ymgysylltu mor llawn â phosibl yn ei ddysgu a'i ddatblygiad a bydd y strategaeth hon yn helpu i sicrhau bod plant anabl yn cael eu cynnwys yn llawn mewn amgylchedd ysgol.

Ymateb i'r Cyfnod Ymgynghori

• Mae’r ymgynghoriad hwn yn rhoi cyfle i chi ofyn cwestiynau a gwneud sylwadau a fydd yn cael eu hystyried pan fydd Cabinet y Cyngor yn penderfynu sut i symud ymlaen
• Byddai'r Ymgynghoriad yn rhedeg rhwng 7 Hydref a 18 Tachwedd 2024. Mae hon yn ffordd dda o allu cael atebion i unrhyw gwestiynau sydd gennych am y cynnig.

Mae eich barn yn bwysig i ni, byddwn yn dal i ofyn i chi lenwi ffurflen ymateb i'r ymgynghoriad, gan mai dim ond barn ysgrifenedig y gallwn ei derbyn.

• Cwblhewch y ffurflen ymateb ar-lein
• Bydd yr holl ymatebion a gyflwynir yn ysgrifenedig erbyn 18 Tachwedd 2024 yn cael eu hystyried gan Gyngor Bro Morgannwg.

Gellir gweld yr holl ddeunydd ymgynghori isod:

Dogfen Strategaeth Hygyrchedd Ddrafft 2025-2027