Sipsi a Theithwyr

A ydych chi neu eich teulu angen safle ym Mro Morgannwg?

Dan Ran 3 Deddf Tai (Cymru) 2014 (y Ddeddf) rhaid i awdurdodau tai lleol gynnal asesiad newydd o anghenion llety Sipsiwn a Theithwyr sy’n byw neu’n aros yn eu hardal rhwng Chwefror 2015 a Chwefror 2016.

Nod y Cyngor yw:

• Sicrhau bod lleiniau carafán yn cael eu dyrannu’n deg, pan fo rhai ar gael.
• Ystyried anghenion unigolion a sicrhau bod y safle carafanau yn gweithredu’n ddidrafferth wrth ddyrannu lleiniau carafán.
• Sicrhau y cydymffurfir â pholisi'r Cyngor ar Gyfle Cyfartal, yn arbennig gan fod teuluoedd Sipsiwn a Theithwyr wedi’u cydnabod fel grŵp ethnig.

Byddwn yn asesu ceisiadau yn unol â'r meini prawf hyn:

• Y cyfnod a dreuliwyd ar y rhestr aros.
• Iechyd (corfforol a meddyliol).
• Amgylchiadau eithriadol, e.e. dianc rhag trais domestig.
• P'un ai a fyddwch yn gymydog addas i’r trigolion eraill ai peidio. Mae hyn yn bwysig ar gyfer cynaliadwyedd y safle. Mae’n bosibl na fyddwch yn addas i’r trigolion eraill am resymau’n ymwneud ag arferion crefyddol, ethnigrwydd, ffordd o fyw a gwrthdaro personol. Gan fod y lleiniau ar y safle’n agos at ei gilydd, gallai dau deulu nad ydynt yn gymdogion addas i’w gilydd greu problemau i’w hunain, cymdogion eraill a’r Cyngor.

Nid yw’r canlynol yn gymwys ar gyfer llain:

• Ymgeiswyr dan 16 oed
• Pobl sydd mewn dyled ariannol i’r Cyngor, oni bai eu bod wedi cytuno ar gynllun talu a’u bod yn glynu at hwn
• Teithwyr sy’n ddarostyngedig i reolaethau dan reoliadau mewnfudo neu loches

Os nad ydych yn gymwys, byddwn yn rhoi’r rhesymau i chi yn ysgrifenedig. Ar ôl dyddiad y penderfyniad bydd gennych ddeg diwrnod gwaith i ofyn am adolygiad.

Bydd yr holl geisiadau cymwys yn cael eu rhoi ar y rhestr aros briodol. Bydd eich cais yn ddilys am flwyddyn. Ar ôl hyn, byddwn yn cysylltu â chi gan ddefnyddio’r cyfeiriad neu'r rhif ffôn a roesoch i gadarnhau a ydych am aros ar y rhestr. Os nad 
atebwch, caiff eich cais ei dynnu oddi ar y rhestr. Dyma pam ei bod hi’n bwysig i chi roi eich manylion cyswllt diweddaraf i ni.

Pan ddaw eich tro chi ar y rhestr aros, byddwn yn cysylltu â chi am y lle gwag.  Os na chlywn gennych o fewn saith diwrnod o wneud cynnig, bydd y llain yn cael ei chynnig i’r person nesaf ar y rhestr aros.

Os cewch lain ar ôl rhoi gwybodaeth gamarweiniol neu hepgor ffeithiau pwysig, mae’n bosibl y cewch eich troi allan.

Os hoffech ofyn am adolygiad cysylltwch â’r Rheolwr Datrysiadau Tai yn Swyddfeydd y Cyngor.

• 01446 700111