Cyngor Bro Morgannwg
Vale of Glamorgan Council
Cost of Living Support Icon
​

Cofnodi Hawliau Tramwy

Mae'r Cyngor yn cadw'r cofnod cyfreithiol o Hawliau Tramwy Cyhoeddus.

 

Gall aelodau o'r cyhoedd wneud cais i'w ddiwygio os oes tystiolaeth ei fod yn anghywir neu fod llwybr ar goll ohono.

 

Map Diffiniol o Hawliau Tramwy Cyhoeddus

Y Map Diffiniol yw’r cofnod cyfreithiol o hawliau tramwy cyhoeddus; mae’n rhoi gwybodaeth am aliniad a statws pob llwybr. Mae’r Map yn rhoi tystiolaeth derfynol bod y llwybrau a ddangosir y tu hwnt i ddadlau a’u bod yn llwybrau cyhoeddus.

 

Mae Datganiad Diffiniol sy'n rhestru'r holl lwybrau a ddangosir ar y Map ac sy'n cynnwys disgrifiad ar gyfer pob un yn cyd-fynd â'r Map Diffiniol. Gellir gweld y Map a'r Datganiad yn Swyddfeydd y Doc, Dociau'r Barri, y Barri. Os yw’n bosibl, cysylltwch ag aelod o'r Tîm Hawliau Tramwy Cyhoeddus ymlaen llaw i sicrhau bod swyddog ar gael.

 

  • Cadw'r Map Diffiniol yn gyfredol

     

    Weithiau efallai y byddwch yn credu bod y cofnod cyfreithiol yn anghywir. Gall y gwallau hyn gynnwys llwybr sy'n cael ei ddangos ar yr aliniad anghywir neu sydd gyda'r statws anghywir. Gall llwybr fodoli ar lawr gwlad ond fod heb ei ddangos ar y Map. I’r gwrthwyneb, efallai na ddylai fod wedi rhoi hawliau cyhoeddus i lwybr a ddangosir ar y map.

     

     

     

    Pan fo gwallau a chamgymeriadau, dim ond trwy broses gyfreithiol sy'n arwain at gynhyrchu Gorchymyn Addasu Map Diffiniol (GAMD) y gellir gwneud newidiadau i'r Map Diffiniol a'r Datganiad. 

     

    Rhaid i geisiadau GAMD gael eu hategu gan dystiolaeth. Gall y dystiolaeth hon fod yn dystiolaeth o ddefnydd gwirioneddol gan aelodau o'r cyhoedd neu dystiolaeth fapio hanesyddol.

     

     

     

     

  • Gwneud cais i addasu'r map (GAMD) 

     

    Gellir cael pecyn cais trwy gysylltu â Thîm Hawliau Tramwy Cyhoeddus Bro Morgannwg. Ar ôl eu cwblhau, rhaid dychwelyd y ffurflenni gyda map neu gynllun sy'n dangos y llwybr a hawliwyd a chopïau o dystiolaeth sy'n ategu’r cais megis dogfennau hanesyddol, mapiau neu ffurflenni tystiolaeth tystion (cynhwysir templedi ffurflenni tystiolaeth yn y pecyn).

     

     

    Cyfrifoldeb yr ymgeisydd yw cyflwyno hysbysiad o'r cais ar bob perchennog a meddiannydd y tir yr effeithir arno, ac ardystio i'r Cyngor fod hyn wedi'i wneud. Efallai y bydd manylion tirfeddianwyr ar gael o'r Gofrestrfa Tir os na ellir eu cael trwy ymchwiliad lleol. Gall y Cyngor ofyn i ymgeiswyr bostio hysbysiadau ym mhob pen o'r llwybr a hawliwyd os na ellir olrhain tirfeddianwyr.

     

    Mae gweithdrefnau cyfreithiol a gweinyddol hir ynghlwm wrth ymchwilio i GAMD, penderfynu arno a’i wneud. Mae hyn yn golygu efallai na fydd modd i ni ymchwilio i bob cais ar unwaith ac y gellir ciwio ceisiadau lle ceir ôl-groniad. Fel arfer, ymchwilir i GAMD yn ei dro yn seiliedig ar y dyddiad derbyn.

     

    Mae cofrestr o geisiadau GAMD ar gael trwy'r adran Cofrestrau

     

     

     

     

     

     

  • Atal llwybrau rhag cael eu hawlio ar eich tir yn y dyfodol

     

    Mae Datganiad Statudol dan a31(6) Ddeddf Priffyrdd (1980) yn rhoi'r gallu i dirfeddiannwr gyflwyno hysbysiad i’r Cyngor yn dweud nad yw am ddynodi unrhyw hawl ychwanegol yn ystod y cyfnod y mae’r datganiad yn parhau’n gyfredol. Mae hyn yn diogelu'r tir rhag hawliadau GAMD yn ystod cyfnod y datganiad.

     

    I wneud datganiad, rhaid i dirfeddiannwr roi i’r Cyngor fap a datganiad yn dangos y ffyrdd (os oes rhai) y maent yn cyfaddef eu bod eisoes wedi'u neilltuo fel hawliau tramwy cyhoeddus. Gyda’r map hwn, rhaid cyflwyno datganiad statudol yn nodi na ddynodwyd unrhyw ffyrdd ychwanegol ers cyflwyno’r map am y tro cyntaf. Bydd hyn yn ddigon i ddod i'r casgliad nad bwriad y tirfeddiannwr oedd dynodi hawl yn ystod y cyfnod rhwng dyddiad cyflwyno’r map a dyddiad y datganiad statudol. 

     

    Caiff y tirfeddiannwr barhau i gyflwyno datganiadau tebyg bob deng mlynedd neu’n llai, gyda’r un effaith.  

    Ni chaiff y broses hon unrhyw effaith ar fodolaeth yr hawliau tramwy cyhoeddus a ddangosir ar y map diffiniol neu a ddangosir fel arall fod ganddynt hawliau cyhoeddus, gan gynnwys trwy ddynodiad a ystyrir o ddefnydd 20 mlynedd cyn cyflwyno’r datganiad.

     

    Lawrlwytho’r pecyn canllaw a’r ffurflen dempled

     

     

     

     

     

     

 

Cofrestrau

Cofrestr o Geisiadau i addasu’r Map Diffiniol o Hawliau Tramwy Cyhoeddus

 

Ceisiadau a wnaed dan Adran 53 Deddf Bywyd Gwyllt a Chefn Gwlad 1981:

 

 

Ceisiadau a wnaed dan Adran 31 Ddeddf Priffyrdd 1980:

 

Ceisiadau i ddiwygio'r Map Diffiniol o Hawliau Tramwy Cyhoeddus, a wnaed o dan Ddeddf Priffyrdd 1980 Adran 121B

 

Ceisiadau Adran 121B Deddf Priffyrdd 1980.

Mae adran 121B yn ei gwneud yn ofynnol cadw cofrestr ar gyfer Gorchmynion Llwybrau Cyhoeddus y mae hawl i wneud cais ar eu cyfer o dan Adrannau 118ZA, 118C, 119ZA a 119C o Ddeddf Priffyrdd 1980. Fodd bynnag, nid yw'r adrannau hyn mewn grym yng Nghymru, felly ni chedwir cofrestr.

 

 

Definitive Map Modification Order

Wildlife and Countryside Act 1981 Section 53(2) Westbury Close, Barry

 

Report: Westbury Close DMMO DRAFT REPORT

 

Supporting Documents:

  1. Application
  2. Draft Map
  3. Certificate of landownership notification
  4. User Evidence Timeline
  5. User 1
  6. User 2
  7. User 3
  8. User 4
  9. User 5
  10. User 6
  11. User 7
  12. User 8
  13. User 9
  14. User 10
  15. User 11
  16. User 12
  17. User 13
  18. User 14
  19. User 15
  20. User 16
  21. User 17
  22. User 18
  23. OS 1:31680 original drawing pub.1811 (para. 6.13)
  24. OS 1:2500 plan 1st edition pub.1890 (para. 6.1)
  25. OS 1:10560 map 1st edition pub.1885 (para. 6.1)
  26. OS 1:2500 plan 2nd edition pub.1900 (para. 6.5)
  27. OS 1:10560 map 2nd edition pub.1901 (para. 6.5)
  28. OS 1:2500 plan revised edition pub.1920 (para. 6.8)
  29. OS 1:10560 map revised edition pub.1922 (para. 6.8)
  30. OS 1:10560 map pub.1931 (para. 6.10)
  31. OS 1:10560 map edition pub.1949 (para. 6.10)
  32. OS 1:10000 map pub.1965 (para. 6.11)
  33. OS 1:10000 map pub.1972-75 (para. 6.12)
  34. Tithe Map Cadoxton-juxta-Barry Parish 1845 (para. 6.17)
  35. 1910 Finance Act Land Valuation Maps from National Archives (OS sheets: XLVII.13 & OS sheet XLVI.16)

 

Siarad yn gyhoeddus yng nghyfarfodydd yr Is-bwyllgor Hawliau Tramwy Cyhoeddus

Mae modd siarad yn gyhoeddus yng nghyfarfodydd yr Is-bwyllgor Hawliau Tramwy Cyhoeddus.

 

 

Mae Canllaw ar Siarad yn Gyhoeddus yng Nghyfarfodydd yr Is-bwyllgor Hawliau Tramwy Cyhoeddus yn esbonio'r broses a sut i gofrestru i siarad:

 

 

 

 

Cofrestru i Siarad