Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Gweld Parc Alexandra ar y map
Dyma barc cyhoeddus Edwardaidd trwsiadus mewn lleoliad deniadol sy’n edrych dros Fôr Hafren, ac sydd wedi cadw llawer o’i nodweddion gwreiddiol.
Gosodwyd y parc yn 1901/02 a bu’n boblogaidd o’r dechrau un. Codwyd y Senotaff yn 1924. Fe’i lluniwyd gan Syr William Goscombe John, cerflunydd a medalydd a aned yng Nghaerdydd, ac fe’i codwyd i goffáu’r sawl a fu farw yn y Rhyfel Byd Cyntaf. Ychwanegwyd yr Ardd Goffa a’r tocwaith yn y 1920au hefyd.
Dymchwelwyd y bandstand gwreiddiol yn y 1950au, ond goroesodd cysgodfa bren, sgwâr tan 1994, pan godwyd y strwythur presennol.
Ymhlith y nodweddion gwreiddiol, mae’r seddi, gatiau’r parc a’r ffiniau. Mi ddatganwyd bwriad i blannu planhigion o ddiddordeb botanegol yn y dyddiau cynnar, ond ni wireddwyd hyn, a phrin oedd y tyfiant ar y dechrau. Plannwyd nifer o’r conifferau, megis y coed pinwydd (pinus nigra), cypreswydd Lawson (chamaecyparis lawsoniana) a chypreswydd Monterey cyn ac ar ôl y Rhyfel Byd Cyntaf.