Sesiwn cynnal a chadw beiciau Dr Bike a rhoi cynnig ar e-feic
Galwch heibio i sesiwn Dr Bike yn y Swyddfeydd Dinesig ddydd Sadwrn, 02 Hydref rhwng 10am ac 1pm. Bydd dau e-feic ar y safle hefyd i chi roi cynnig arnynt. Mae hon yn sesiwn am ddim ac mae'n gyfle i ddysgu mwy am ofalu am eich beic.
Cynllun Beicio i’r Gwaith
Bydd y cynllun Beicio i’r Gwaith yn ailddechrau ar 23 Medi am 6 wythnos. Menter gymell gan y Llywodraeth yw hon sy'n galluogi gweithwyr i arbed hyd at 42% ar gost beic newydd ac ategolion.
Hafan Beicio i'r Gwaith
Pecynnau trwsio beiciau
Rydym wedi gosod tri phecyn trwsio beiciau yn yr Alpau, y Swyddfeydd Dinesig a Swyddfeydd y Doc. Gallwch ofyn am y pecynnau i wneud atgyweiriadau brys i'ch beiciau.
Hyfforddiant hyder beicio a Hyrwyddwyr Beicio
Ar hyn o bryd rydym yn asesu diddordeb staff ar gyfer sesiwn hyfforddi hyder beiciau gyda Breeze neu Pedal Power. Mae'r rhain yn cynnwys sgiliau beicio sylfaenol a thrin beiciau i'ch helpu i wella techneg a theimlo'n fwy hyderus.
Hoffem hefyd glywed eich barn am sefydlu rhwydwaith o Hyrwyddwyr Beicio. Yn debyg i'n Hyrwyddwyr eraill, byddai Hyrwyddwyr Beicio yn eiriolwyr dros feicio a'i fanteision i staff. Gallent rannu awgrymiadau, llwybrau a syniadau i annog mwy o bobl i feicio. Byddai'r rhwydwaith ar gyfer cefnogi ei gilydd, yn ogystal â chydweithwyr, i feicio'n hyderus.
Cysylltwch ag activetravel@valeofglamorgan.gov.uk os oes gennych ddiddordeb yn y naill fenter neu'r llall.