Helpwch Ni i Dyfu: Gwirfoddoli ar gyfer Plannu Coed a Creu Perthi yn Cosmeston.

Oeddech chi’n gwybod fel gweithiwr Cyngor Bro Morgannwg, eich bod yn cael y cyfle i gymryd un diwrnod â thâl bob blwyddyn i gyfrannu eich amser a’ch sgiliau at wirfoddoli yn y gymuned leol?

Helpwch ni i wneud gwahaniaeth ym Mharc Gwledig Llynnoedd Cosmeston trwy ymuno â'n digwyddiad plannu coed a chreu gwrychoedd! Mae hwn yn gyfle gwych i gymryd rhan ochr yn ochr â gwirfoddolwyr angerddol eraill o'r tu allan i'r sefydliad a chyfrannu at ein nodau corfforaethol o wella bioamrywiaeth yn ein cymuned

Dyddiad: Dydd Gwener 4 Hydref 2024

Amser: 10.00 ar gyfer dechrau 10.30 – gorffen 3.30-4.00

Lleoliad: Parc Gwledig Llynnoedd Cosmeston

Mae opsiynau hanner diwrnod ar gael i'r rhai y mae'n well ganddynt ymrwymiad byrrach. P'un a ydych yn ymuno â ni am y diwrnod cyfan neu dim ond rhan ohono, bydd eich ymdrechion yn cefnogi targedau cenedlaethol a lleol yn uniongyrchol i gynyddu gorchudd canopi coed, gwella ein hamgylchedd, a chreu mannau iachach a gwyrddach i bawb eu mwynhau.

Does dim angen profiad—dim ond parodrwydd i gael eich dwylo yn fudr a chael effaith bositif!

Dewch i fod yn rhan o'r digwyddiad gwerth chweil hwn. Gyda'n gilydd, gyda'n tîm Gwasanaethau Cefn Gwlad a Phartneriaeth Natur y Fro, gallwn helpu ein hecosystemau lleol i ffynnu a chyfrannu at ddyfodol cynaliadwy.

Am fwy o fanylion neu i gofrestru cliciwch yma, Rydym yn edrych ymlaen at eich gweld chi yno.

Mae'r prosiect bioamrywiaeth hwn yn cael ei ariannu gan Bartneriaeth Natur y Fro drwy eu prosiect Cymdogion Natur, sy'n ceisio gwella bioamrywiaeth, ailgysylltu cynefinoedd yn gorfforol a darparu cyfleoedd i bobl ailgysylltu â natur ar garreg eu drws.

Mae Partneriaeth Natur y Fro yn cael ei chynnal gan Gyngor Bro Morgannwg a'i ariannu gan Lywodraeth Cymru drwy'r cynllun Lleoedd Lleol ar gyfer Natur, a gydlynir gan Gyngor Gweithredu Gwirfoddol Cymru (WCVA).