Mis Hanes LHDT+ 2024

Pam ydyn ni'n ei gydnabod?

Sefydlwyd Mis Hanes LHDT+ yn 2005 gan gyd-gadeiryddion Schools OUT UK, Paul Patrick a'r Athro Emeritws Sue Sanders. Fe'i sefydlwyd i greu cyfle pwrpasol i rannu hanes cyfoethog ac amrywiol y Gymuned LHDT+, gan ddarparu cyfleoedd i bawb ddysgu mwy. Am gymaint o amser, cuddiwyd hanes unigolion LHDT+, a chafodd y mis hwn ei greu i arddangos yr hanes hwn. Mae Mis Hanes LHDT+ hefyd yn nodi bod y mis hwn i:

• Hawlio ein Gorffennol,
• Dathlu ein Presennol,
• Creu ein Dyfodol

Pam mae’n bwysig? 

Mae cydnabod Mis Hanes LHDT+ yn hollbwysig gan ei fod yn cadarnhau ein hymrwymiad i ddeall, parchu a dathlu amrywiaeth y gymuned LHDT+. Mae'r mis neilltuol hwn yn gyfle i daflu goleuni ar frwydrau, cyflawniadau a chyfraniadau hanesyddol y gymuned LHDT+. Mae'n rhoi cyfle i drafod datblygiadau cadarnhaol mewn cymdeithas, ond hefyd yn cydnabod bod ffordd bell i fynd o hyd.

Isod ceir manylion rhai o'r anghydraddoldebau y mae unigolion LHDT+ yn dal i'w hwynebu mewn gofal iechyd. 

Anghydraddoldebau Iechyd LHDT+ yn y DU

Canllaw i Fis LHDT+ yn y Fro: :

Er bod y feddyginiaeth yn thema bwysig, roeddem am ehangu'r thema hon a thrafod iechyd yn gyffredinol. Felly, drwy gydol mis Chwefror byddwn yn rhannu gwybodaeth am y datblygiadau ar feddygaeth, iechyd meddwl ac iechyd rhywiol.

Bydd digwyddiad cyntaf cyfres ar Deuluoedd LHDTC+ hefyd, gan ddechrau gyda Rhianta LHDTC+, sydd wedi'i drefnu mewn cydweithrediad â Chyngor Caerdydd a RhCT. Bydd hyn yn digwydd ar-lein ddydd Mercher 21 Chwefror am 12pm.

Mae mwy o fanylion am yr hyn a rennir drwy gydol y mis isod:

Wythnos yn dechrau 5 Chwefror

Meddygaeth - Trafod datblygiadau mewn meddygaeth.

Wythnos yn dechrau 12 Chwefror

Iechyd meddwl - Darparu adnoddau o amgylch iechyd meddwl.

21 Chwefror 

Digwyddiad Rhianta LHDTC+ (Manylion ymuno i ddilyn)

27 Chwefror

Cyfarfod Misol Rhwydwaith GLAM

Wythnos yn dechrau 26 Chwefror

Datblygiadau a chyngor am iechyd rhywiol