Annwyl gydweithwyr,

Gyda thristwch ysgrifennaf i'ch hysbysu o farwolaeth Graham Conibear.

Roedd Graham yn adnabyddus i lawer o staff gan yr oedd yn gweithio fel Porthor mewn adeiladau amrywiol ac roedd bob amser yn cymryd diddordeb brwd mewn eraill.

Roedd Graham yn ymfalchïo mewn gwybod enwau pawb yr oedd yn cyfarfod â nhw, gan stopio’n aml i sgwrsio am ei daith dramor fwyaf diweddar neu'r un nesaf yr oedd yn ei chynllunio.

Ymhlith llawer o dasgau, roedd Graham yn gyfrifol am helpu i baratoi ar gyfer priodasau yn y Swyddfeydd Dinesig, gan wisgo blaser a thei ar gyfer yr achlysur bob amser.

Yn gefnogwr brwd o glwb pêl-droed Tref y Barri, roedd pobl yn gwybod bod Graham gerllaw oherwydd byddai tonau uchel ei ffôn symudol yn atseinio o amgylch neuaddau a choridorau wrth iddo gerdded heibio.

Treuliodd gyfanswm o dros 30 mlynedd yn gweithio i'r Cyngor.

Roedd yr hoffter y teimlai ei gydweithwyr tuag ato yn amlwg pan gasglwyd swm sylweddol ar gyfer ei ben-blwydd, a ddefnyddiodd i brynu oriawr, a chasglodd torf enfawr yn Siambr y Cyngor i’w gyflwyno iddo.

Rwy'n siŵr y byddwch chi'n ymuno â mi i rannu cydymdeimladau twymgalon â theulu Graham.

Bydd angladd Graham yn cael ei gynnal am 12pm yn amlosgfa Y Barri ar 22 Awst.

Sylwch fod teulu Graham wedi trefnu i'r orymdaith Angladdau yrru heibio blaen y swyddfeydd Dinesig tua 11:40 y bore ar 22 Awst ar y ffordd i Amlosgfa y Barri.

Os hoffech chi dalu teyrnged i Graham ar ei daith olaf, llinellwch y llwybr ar Heol Holton y tu allan i'r Swyddfeydd Dinesig o 11:30am. 

Mae'r teulu'n gwahodd pawb i ddathlu bywyd Graham yng nghlwb Golff Bryn Hill ar ôl y gwasanaeth.

Cofion cynnes,  

Rob