Timau Gofal Cymdeithasol y Fro yn dathlu yng Ngwobrau Rhagoriaeth mewn Gofal Caerdydd a'r Fro

Daeth dros 150 o ddarparwyr gofal a gomisiynwyd yn breifat gan y Cyngor i'r Memo ar 5 Ebrill ar gyfer noson o ddathliadau.

Dan arweiniad y Swyddog Prosiect, Steve Davies gyda chefnogaeth y Prentis Gweinyddu, Katie Foster, arweiniodd Tîm Datblygu'r Gweithlu Gofal Cymdeithasol yn y Fro ar drefnu Gwobrau 2023.

Yn y digwyddiad roedd darparwyr gofal o bob rhan o'r rhanbarth yn dathlu cyflawni eu Cymwysterau Iechyd a Gofal Cymdeithasol Lefel 2-5 ac yn derbyn gwobrau gan Faeres Bro Morgannwg a Chaerdydd, a Chyfarwyddwr Gwasanaethau Cymdeithasol y Cyngor, Lance Carver.

Dan ofal y cyflwynydd newyddion teledu, Sian Lloyd, cafodd y noson ei gwneud yn fwy arbennig byth am fod y noson wobrwyo ranbarthol gyntaf ar ôl bwlch yn ystod cyfyngiadau Covid.

Ers hynny mae'r Tîm wedi derbyn adborth gloyw am y digwyddiad a hoffwn roi diolch mawr i'r holl gydweithwyr sy'n rhan o'r gwaith cynllunio a'r sefydliad, i Big Fresh am ddarparu lluniaeth a bwffe, i'r Memo am hwyluso'r noson, ac wrth gwrs i'n holl Staff Gofal sy'n gweithio gydag angerdd mawr i gefnogi ein cymunedau.

Previous Next