Gardd Pawb yn agor i'r gymuned 

Mae Cyngor Bro Morgannwg wedi gweithio gyda phartneriaid a thrigolion i drawsnewid safle oedd wedi mynd yn adfail oddi ar Margaret Avenue yn Colcot yn ofod llewyrchus i'r gymuned ei fwynhau. 

 

To celebrate the completion of the project, an open day was held on 19 October, giving the community an opportunity to see what Everyone’s Garden has to offer.

I ddathlu cwblhau'r prosiect, cynhaliwyd diwrnod agored ar 19 Hydref, gan roi cyfle i'r gymuned weld yr hyn sydd gan Ardd Pawb i'w gynnig.

Ar ôl cael cyllid i ddatblygu'r tir, bu Tîm Cyfoethogi Cymunedau’r Cyngor yn gweithio'n agos gyda thrigolion a phartneriaid i ddarparu gofod cymunedol a rennir.

Mae gan yr ardd amrywiaeth o nodweddion gan gynnwys tŷ gwydr a wnaed o boteli plastig wedi'u hailgylchu, ardal chwarae, rhandir, a chanolfan addysg.

Roedd y prosiect yn ymdrech gydweithredol gyda phartneriaid a thrigolion. Fe wnaeth Ysgol Gynradd Colcot, Cymdeithas Trigolion Colcot, Bouygues UK, Horizon Civil Engineering, Cyfoeth Naturiol Cymru, Eggseeds, Addysg Cartref Cymru, Gwasanaeth Ieuenctid y Fro, Dechrau'n Deg a Chartrefi’r Fro i gyd helpu i ddatblygu elfennau o'r safle oedd wedi’u dewis gan y gymuned trwy ymgynghoriad cyhoeddus.

Bydd grwpiau cymunedol ac Ysgol Gynradd Colcot nawr yn allweddol i’r gwaith cadw a chynnal a chadw, ac mae nifer ohonynt eisoes wedi cynnal digwyddiadau, gweithdai, a sesiynau lles ar y safle.

Os hoffech gymryd rhan yng Ngardd Pawb, cysylltwch â'r Swyddog Cyfoethogi Cymunedau Mark Ellis er mwyn cael rhagor o wybodaeth:

MarkEllis@valeofglamorgan.gov.uk