40 Mlynedd a Chyfrif gydag Elaine Edgerton 

Mae cydweithiwr o’r Tîm Cynllunio yn dathlu 40 mlynedd o wasanaeth parhaus yng Nghyngor Bro Morgannwg.

Dechreuodd Elaine Edgerton ei gyrfa yn y Cyngor yn 1982, a hithau'n 23 oed. Wedi’i chyflogi’n wreiddiol i weithio am chwe mis yn y garfan deipyddion Cynllunio gan gyflenwi dros weithiwr oedd ar absenoldeb mamolaeth, ni adawodd Elaine erioed ac mae wedi bod yn rhan annatod o'r tîm ers hynny.

Yn wreiddiol o Warwick, symudodd Elaine i'r Barri ym 1981 i fod gyda'i nawr gŵr, Steve.

Mae Elaine, sy’n cael ei disgrifio gan ei chydweithwyr yn weithgar ac yn gydwybodol, yn gwneud mwy na’r gofyn yn rheolaidd, gan hyd yn oed ddod i mewn yn hwyr ar ddyddiau i ffwrdd er mwyn sicrhau bod popeth yn iawn i’r cynllunwyr.

Mae rhai o'r tasgau llai hwyliog y mae Elaine wedi'u gwneud dros y blynyddoedd yn cynnwys rhifo tudalennau adroddiadau pwyllgorau â llaw a theipio llythyrau di-ri â llaw ar gyfer swyddogion cynllunio.

Y tu allan i'r gwaith, mae Elaine wastad wedi bod yn frwd dros geir, ac mae ei chydweithwyr yn hel atgofion am gael eu gyrru o gwmpas gyda’r nos yn ei Ford Escort.

Dywedodd y Rheolwr Cymorth Busnes, Fiona Lambert: "Ble rydw i’n dechrau a beth fyddwn i'n ei wneud heb Elaine!"

"Mae Elaine yn fwy na phâr dibynadwy o ddwylo; Mae hi'n gydwybodol ym mhob dim mae hi'n ei wneud, a does dim byd byth yn ormod dim ots beth yw'r dasg.  

"Mae hi'n berson gwirioneddol hyfryd ac wedi bod yn bleser pur cydweithio â hi!  Llongyfarchiadau ar 40 mlynedd a chyfrif. Plîs paid ymddeol eto!"

Llongyfarchiadau Elaine!