Staffnet-Headertxt
English Cymraeg

Hyb Cymraeg Welsh Education Banner CYM

Addysg Gymraeg

Waeth beth yw eich iaith yn y cartref, gall Addysg Cyfrwng Cymraeg roi cyfleoedd, profiadau a sgiliau ychwanegol i’ch plentyn.

Mae llawer o fanteision i fod yn ddwyieithog. Mae gwaith ymchwil wedi dangos bod plant sy'n siarad dwy iaith yn gallu bod yn fwy creadigol wrth feddwl.

Am fwy o wybodaeth, edrychwch ar y dudalen Eich Taith Ddwyieithog ar wefan Bro Morgannwg.

Eich Taith Ddwyieithog

 

Mae llawer o wybodaeth a chefnogaeth ar gael ar wefan Cymraeg i Bawb hefyd Gwefan Cymraeg i Bawb.

Cymraeg i Bawb yw'r prosiect sy'n cael ei redeg gan y Pencampwr Addysg Gymraeg Rhanbarthol i hyrwyddo addysg Gymraeg yn Ne-ddwyrain Cymru. Am ragor o wybodaeth, cysylltwch post@cymraegibawb.cymru.

Canolfan Iaith Gymraeg

Welsh Language Centre LogoOeddech chi'n gwybod bod saith ysgol Gymraeg ym Mro Morgannwg gan gynnwys chwe ysgol gynradd ac un ysgol uwchradd?

Os yw eich plentyn mewn ysgol cyfrwng Saesneg ar hyn o bryd a'ch bod yn ystyried addysg cyfrwng Cymraeg, gallech ystyried Canolfan Iaith Gymraeg y Fro yn Ysgol Gwaun y Nant yn y Barri.

Mae'r rhaglen 12 wythnos yn ein Canolfan Iaith Gymraeg yn caniatáu i ddysgwyr oed cynradd gael eu trochi yn y Gymraeg ac ennill lefel o ruglder sy'n eu galluogi i lwyddo yn eu taith addysg Gymraeg mewn ysgol cyfrwng Cymraeg ym Mro Morgannwg.

Am fwy o wybodaeth, ewch i wefan Gwefan Canolfan Iaith Gymraeg.

 

Cynllun Strategol Cymraeg Mewn Addysg (CSCA) 2022-2032

Mae'r Cynllun Strategol Cymraeg mewn Addysg (CSCA) yn esbonio ein cynllun deng mlynedd ar gyfer addysg cyfrwng Cymraeg ac iaith Gymraeg yn y Fro.

Mae gan y CSCA saith deilliant sydd wedi'u pennu gan Lywodraeth Cymru.

  • Deilliant 1: Mwy o blant meithrin/plant tair oed yn cael eu haddysg drwy gyfrwng y Gymraeg.
  • Deilliant 2: Mwy o blant dosbarth derbyn/plant pump oed yn cael eu haddysg drwy gyfrwng y Gymraeg.
  • Deilliant 3: Mwy o blant yn parhau i wella eu sgiliau Cymraeg wrth drosglwyddo o un cam o'u haddysg statudol i'r nesaf.
  • Deilliant 4: Mwy o ddysgwyr yn astudio ar gyfer cymwysterau a asesir yn Gymraeg (fel pwnc) a phynciau drwy gyfrwng y Gymraeg.
  • Deilliant 5: Mwy o gyfleoedd i ddysgwyr ddefnyddio'r Gymraeg mewn gwahanol gyd-destunau yn yr ysgol.
  • Deilliant 6: Cynnydd yn y ddarpariaeth addysg Gymraeg i ddisgyblion ag anghenion dysgu ychwanegol (ADY) yn unol â'r dyletswyddau a osodir gan Ddeddf Anghenion Dysgu Ychwanegol a Thribiwnlys Addysg (Cymru) 2018.
  • Deilliant 7: Cynyddu nifer y staff addysgu sy'n gallu addysgu Cymraeg (fel pwnc) ac addysgu drwy gyfrwng y Gymraeg.

Mae partneriaid ar draws y Cyngor ynghyd ag ysgolion a sefydliadau allanol yn cydweithio i gyflawni'r camau sy'n ymwneud â'r deilliannau hyn.

Dysgwch fwy am y CSCA:

 
You can view our WESP here.

Os oes gennych unrhyw ymholiadau am addysg cyfrwng Cymraeg neu'r CSCA, cysylltwch â'r Swyddog Addysg Gymraeg, Jeremy Morgan.