Mae Dydd Gŵyl Dewi ar ddydd Sadwrn 1, Mawrth.
Yn ogystal â gwisgo eich cennin Pedr a’ch het Gymreig, bwyta pice bach a chawl, eleni rydym am edrych ar y camau y gallwn ni i gyd eu cymryd i hybu a hyrwyddo'r Gymraeg yma yng Nghyngor Bro Morgannwg.
- Gwnewch yn siŵr bod eich llofnod e-bost yn ddwyieithog
Mae'r weithred syml hon yn adlewyrchu ymrwymiad y Cyngor i'r Gymraeg ac yn atgoffa pobl o'u hawl i gael mynediad at wasanaethau trwy'r Gymraeg.
Os nad ydych yn gwybod beth yw’r cyfieithiad Cymraeg ar gyfer teitl eich swydd neu adran, ewch ati i ddysgu beth ydyw! Gwiriwch eich bathodyn adnabod, contract eich swydd, neu gyda'ch rheolwr llinell.
- Cwblhewch yr asesiad sgiliau Cymraeg
Asesiad Sgiliau Cymraeg
Mae tipyn o amser wedi mynd heibio ers i ni gynnal asesiad o sgiliau Cymraeg staff ddiwethaf, felly rydym yn diweddaru ein cofnodion. Mae'r wybodaeth hon yn ein helpu i gynllunio a hyrwyddo cyrsiau Cymraeg ac asesu galluoedd Cymraeg presennol i sicrhau y gallwn ddarparu ein gwasanaethau i'r rheini sydd eu hangen yn Gymraeg.
- Cofrestrwch ar gyfer cwrs Cymraeg Gwaith
Dysgu Cymraeg / Learning Welsh
Fel un o weithwyr y Cyngor, gallwch ddysgu Cymraeg am ddim drwy'r cynllun Cymraeg Gwaith. Ni fydd yn rhaid i chi ddefnyddio gwyliau blynyddol na'ch amser eich hun i fynd i'r cyrsiau ond gwiriwch gyda'ch rheolwr cyn cofrestru.
- Cwblhewch gwrs Cymraeg byr ar-lein
CYRSIAU BLASU BYR AR-LEIN | Dysgu Cymraeg
Mae llawer o gyrsiau byr ar-lein a chyrsiau penodol i'r diwydiant ar gael gyda Dysgu Cymraeg. Mae'r cyrsiau'n cyflwyno geiriau ac ymadroddion bob dydd ac maent ar gael i bawb, am ddim. Mae rhai cyrsiau wedi'u teilwra ar gyfer gwahanol sectorau, fel Iechyd a Gofal Cymdeithasol.
- Dysgwch ragor am y Gymraeg drwy'r cwrs Ymwybyddiaeth o’r Gymraeg hwn ar iDev
Cwrs: Ymwybyddiaeth o'r Gymraeg - Welsh Language Awareness
Mae'r modiwl yn canolbwyntio ar yr iaith Gymraeg a dwyieithrwydd, yr hyn mae'r gyfraith yn ei ddweud, ac yn edrych ar yr hyn y mae'n ofynnol i ni ei wneud a pham. Mae'r modiwl hefyd yn edrych ar ymarferoldeb gweithio'n ddwyieithog a beth mae hyn yn ei olygu i bobl sy'n defnyddio ein gwasanaethau.
- Ewch i'r Hyb Cymraeg ar Staffnet+ am ragor o wybodaeth am bopeth yn ymwneud â'r Gymraeg yma yng Nghyngor Bro Morgannwg.
Hyb Cymraeg
Cymerwch gip hefyd ar Ŵyl Dydd Gŵyl Dewi yn y Barri ddydd Sadwrn, 1 Mawrth neu gymryd rhan yn y Carlam Cennin Pedr cyntaf ar ddydd Sul, 2 Mawrth– ewch i Ymweld â’r Fro am ragor o fanylion!
Dydd Gŵyl Dewi / St David's Day, Y Barri | Ymweld â’r Fro
Carlam Cennin Pedr - Daffodil Dash, Ynys y Barri | Ymweld â’r Fro