Newyddion cyffrous ar gyfer Gweithwyr Cyngor Bro Morgannwg: Gostyngiadau arbennig yng Nghanolfan Arddio Pughs

Yn dilyn adolygiad o wobrau, rydym wedi bod yn ceisio gwella ein harlwy cynaliadwy ac rydym yn falch iawn o weithio mewn partneriaeth â Chanolfan Arddio Pughs i gynnig pecyn disgownt unigryw i holl staff y Fro, gan ganolbwyntio ar arferion garddio cynaliadwy.

Yn ystod y mis cyntaf, rhwng 24 Mai a 24 Mehefin, gall staff y Fro fwynhau gostyngiad unigryw o 10% ar bob Casgen Ddŵr—teclyn hanfodol i unrhyw ardd ecogyfeillgar.

Mae'r gostyngiadau gwych hyn ar gael yng Nghanolfannau Garddio Pughs yn Wenfô a Chaerdydd, sy’n golygu y bydd yn gyfleus i holl weithwyr y Fro.

I hawlio’r gostyngiadau hyn, y cyfan sydd angen i chi ei wneud yw dangos eich bathodyn adnabod wrth y tiliau wrth brynu.

Ar gyfer unrhyw ymholiadau neu i gael rhagor o wybodaeth am y cynllun hwn, mae croeso i chi gysylltu â ni drwy ein e-bost ldelaney@valeofglamorgan.gov.uk.