Wythnos Cydraddoldeb Hiliol 2024: Diwrnod 3 - Canmoliaeth yn Gyhoeddus

Ydych chi'n canmol rhai pobl yn fwy nag eraill?

Agoriad llygad heddiw mewn - 30 eiliad

Os yw rhywun yn gwneud rhywbeth da yn y gweithle, a ydych chi'n eu canmol yn gyhoeddus waeth beth yw eu hil?

• Rwy'n aml yn canmol cydweithwyr yn gyhoeddus yn y gweithle, waeth beth fo'u hil. 

• Rwy'n aml yn canmol cydweithwyr yn breifat yn y gweithle, waeth beth fo'u hil.

• Rwy'n canmol cydweithwyr ethnig amrywiol yn gyhoeddus yn llai aml nag eraill.  

• Rwy'n canmol cydweithwyr ethnig amrywiol yn breifat yn llai aml nag eraill.  

• Anaml fydda i’n canmol unrhyw un./Dydw i byth yn canmol unrhyw un.

• Anaml fydda i’n canmol cydweithwyr ethnig amrywiol./Dydw i byth yn canmol cydweithwyr ethnig amrywiol.

Cydnabod rhywun yn gyhoeddus yw'r ffurf ag iddi’r effaith fwyaf o gydnabod gweithwyr ac mae'n creu trosiant is yn y gweithle (AD ar-lein, 2019).

Canfu arolwg diweddar gan ApolloTechnical fod dros 91% o weithwyr proffesiynol AD yn credu bod cydnabyddiaeth a gwobrwyo yn gwneud gweithwyr yn fwy tebygol o aros.

Yn ogystal, gofynnodd astudiaeth gan y Sefydliad Arweinyddiaeth a Rheolaeth i 1,000 o weithwyr ledled y DU nodi un peth sy'n eu cymell i wneud mwy yn y gwaith a dywedodd 31% ohonynt 'gwell triniaeth gan eu cyflogwr', 'mwy o ganmoliaeth' a 'mwy o ymdeimlad o gael eu gwerthfawrogi'. Mae'r astudiaethau hyn yn dangos pa mor effeithiol y gall canmol yn gyhoeddus yn y gweithle fod.

Fodd bynnag, gall cydweithwyr ethnig amrywiol deimlo’n aml fel pe bai'n rhaid iddynt weithio'n galetach na chydweithwyr eraill i gael eu cydnabod yn gyhoeddus. Er enghraifft, dangosodd astudiaeth ymchwil gan Coqual yn 2022 bod mwy na thri gweithiwr proffesiynol du yn y DU o bob pedwar yn teimlo bod yn rhaid iddynt weithio'n galetach nag eraill i symud ymlaen o fewn eu cwmni.  

Yr effaith eurgylch yw’r term a ddefnyddir i ddisgrifio sut, ar adegau, y gall gwahanol nodweddion sydd gan unigolion, boed hynny'n gymwysterau neu eu diddordebau, eu gwneud yn fwy neu'n llai tebygol o dderbyn cydnabyddiaeth gyhoeddus neu arfarniadau cadarnhaol. 

Mae hyn yn dangos i ni y gall ein rhagfarnau, boed yn fwriadol ai peidio, ddylanwadu ar sut rydym yn trin ein cydweithwyr. Dyna pam ei bod yn bwysig canmol cydweithwyr yn gyhoeddus yn deg!

Mae cydberthynas hefyd rhwng canmol yn gyhoeddus a dyrchafiadau, cyfleoedd a datblygiad gyrfa.

• Fideo - 2 Munud

  Mae cydnabyddiaeth yn beth pwerus, ydych chi erioed wedi meddwl pam?

   

  Gwyliwch y fideo hwn i gael gwybod mwy:

   

  Why Recognition Improves Employee Engagement

• Cam gweithredu – 2.5 Funud

  Pan fyddwn yn cydnabod cydweithwyr ethnig amrywiol am eu gwaith caled, mae'n dangos nad yw eu hymdrechion yn y gweithle yn cael eu hanwybyddu ond eu bod yn cael eu gwerthfawrogi yn lle hynny. Mae hefyd yn creu llwybr ar gyfer hyrwyddo a datblygu. I lawer o weithwyr ethnig amrywiol, mae'n brofiad prin, a bydd yn cael effaith ar eu hyder a'u lles ac yn gwneud iddynt deimlo'n llai anweledig. 

   

  Sut allech chi ganmol eich cydweithwyr yn gyhoeddus yn y gweithle? Syniadau:

  • Sicrhau bod safon y disgwylir i'r holl gydweithwyr ei chyrraedd a phan welwch gydweithiwr ethnig amrywiol yn rhagori ar ddisgwyliadau, dylech gydnabod hyn yn gyhoeddus (efallai mewn cyfarfod tîm).  
  • Talwch sylw, sylwch ar eich cydweithwyr ethnig amrywiol hefyd a gwnewch yn siŵr eu bod yn cael eu cydnabod. Un ffordd o wneud hyn yw drwy roi'r dasg i chi'ch hun i ddweud yn gyhoeddus 'Rwy'n gweld pa mor wych rydych chi'n ei wneud'. Sicrhewch fod gwerth i'ch canmoliaeth - tynnwch sylw at yr hyn a wnaethant yn dda - fel y gall pawb arall yn y tîm ddysgu sut beth yw da.  
  • Ystyriwch a fyddai cynllun gweithiwr y mis yn gweithio, lle gall gweithwyr enwebu ei gilydd a siarad yn gyhoeddus am gyflawniadau ei gilydd.  
  • Os ydych chi'n sylwi ar gydweithiwr ethnig amrywiol sydd ag arddull weithio benodol rydych chi'n ei hoffi, peidiwch â bod ofn dweud wrtho bod hynny wedi creu argraff arnoch a gofynnwch sut y gallwch chi ddysgu ganddo.  
  • Mynd i’r afael â’r mannau dall: Os ydych chi'n credu bod cydweithiwr ethnig amrywiol penodol yn gwneud llawer o waith da yn gyson nad yw'ch rheolwr wedi sylwi arno, peidiwch â bod ofn ei grybwyll wrth eich rheolwr a'i annog i'w gydnabod yn gyhoeddus.  
  • Pan fydd cyfleoedd yn codi, soniwch am gydweithiwr ethnig amrywiol nad yw fel arfer yn cael ei ddewis a rhannu'r gwerth y bydd yn ei gynnig.    
  • Peidiwch byth â chymryd clod am waith pobl eraill, mae gwneud hynny'n amharu ar gymhelliant ac ni fydd yn cefnogi perthnasoedd adeiladol ac ystyrlon yn y gweithle. Mae hefyd yn tanseilio ymddiriedaeth a gall wneud i bobl deimlo’n ddi-werth.

  
  

   

   

   

 

Adnoddau Ychwanegol

 

Adnoddau Cydraddoldeb Hiliol