Wythnos Genedlaethol Cynhwysiant 2023: Cofrestru i'r Digwyddiad Sesiwn Holi gyda Rhwydweithiau Staff ddydd Mawrth 3 Hydref

Ymunwch ag arweinwyr y rhwydweithiau GLAM, Amrywiaeth, ac Anabledd a'r Hyrwyddwyr Lles ar gyfer Sesiwn Holi ddydd Mawrth nesaf.

 

Bydd pob rhwydwaith yn rhoi cyflwyniad byr am bwy ydyn nhw a'r gwaith maen nhw'n ei wneud i wneud y Cyngor yn lle mwy cynhwysol i weithio ynddo. Dyma eich cyfle i ddarganfod beth mae'r rhwydweithiau yn ei wneud i chi a'ch cydweithwyr. 

Bydd gennych hefyd gyfle i ofyn i arweinwyr y rhwydweithiau unrhyw gwestiynau sydd gennych am eu gwaith, pwy maen nhw'n eu cynrychioli, a'u cynlluniau sydd ar ddod.

Mae llwyddiant y rhwydweithiau'n dibynnu ar y staff y tu ôl iddynt - mae mwy o aelodau'n golygu bod mwy o leisiau i glywed ganddynt a bod mwy o newid yn bosibl.

Dewch i gwrdd â'r siaradwyr a dysgu mwy am y bobl y tu ôl i'r rhwydweithiau!

Cwrdd â'ch Siaradwyr  

Tom Bowring – Cyfarwyddwr Adnoddau Corfforaethol  

Bydd y Cyfarwyddwr Adnoddau Corfforaethol yn cynnal y digwyddiad Sesiwn Holi gyda’r Rhwydweithiau Staff ddydd Mawrth nesaf. Fel aelod o'r Uwch Dîm Arwain, mae Tom yn gallu gweld yr holl waith gwych y mae ein Rhwydweithiau Staff yn ei wneud i wneud y Cyngor yn lle mwy cynhwysol i weithio ynddo a'r Fro yn lle cynhwysol i fyw ynddo.

Yn bersonol, mae Tom wedi bod yn ymwneud yn helaeth â GLAM dros y blynyddoedd, gan hyrwyddo'r grŵp a chymryd rhan mewn digwyddiadau Balchder lleol - gwnaeth ymddangosiad fel Cariad y Fuwch yn Balchder Y Bont-faen yn gynharach eleni!

Lee Boyland – Cadeirydd GLAM

Mae Lee yn aelod o'r Tîm Cymunedau am Waith ac fe'i penodwyd yn gadeirydd newydd GLAM yn gynharach eleni.  Rhwydwaith o gydweithwyr a chynghreiriaid LHDTC+ yw GLAM sy'n gweithio i gael effaith gadarnhaol ar ran cydweithwyr LHDTC+ yn y gweithle.

Maent yn meithrin diwylliant o fod yn agored a chynhwysol sy'n rhoi lle diogel i staff lle gallant fod yn nhw eu hunain.  Mae GLAM hefyd yn gweithio i addysgu, rhoi gwybodaeth, a chodi ymwybyddiaeth o faterion sy'n wynebu'r gymuned LHDTC+. Mae GLAM hefyd yn grŵp cymdeithasol a chefnogol iawn sy'n trefnu ac yn mynychu digwyddiadau fel digwyddiadau Balchder lleol.

Bydd Is-gadeirydd GLAM, Carl Culverwell, yn ymuno â Lee i ateb unrhyw gwestiynau sydd gennych ar gyfer y rhwydwaith. 

 Laura Eddins – Is-gadeirydd Amrywiaeth a Chadeirydd Hyrwyddwyr Lles 

Mae Laura yn gweithio fel Swyddog Polisi a Sicrwydd Ansawdd yn y Gyfarwyddiaeth Gwasanaethau Cymdeithasol. Efallai bod llawer ohonoch yn adnabod Laura am ei gwaith fel Cadeirydd yr Hyrwyddwyr Lles ond mae hi hefyd yn Is-gadeirydd y Rhwydwaith Amrywiaeth ochr yn ochr â Martine Booker-Southard fel Cadeirydd.

Mae gwaith y Rhwydwaith Amrywiaeth yn dathlu cymuned amrywiol y Fro a'r Cyngor sy'n cynrychioli ac yn cefnogi staff Du, Asiaidd a Mwyafrif Byd-eang.  Mae Amrywiaeth yn gweithio i weithredu sgwrs agored ynghylch cydraddoldeb hiliol yn y Cyngor mewn ffordd adeiladol i ddeddfu newid cadarnhaol.

Mae Amrywiaeth hefyd yn gweithio'n agos gydag ysgolion yn y Fro i sicrhau eu bod yn cymryd agwedd weithredol tuag at wrth-hiliaeth ac yn darparu lle cynhwysol a diogel i ddisgyblion o'r mwyafrif byd-eang.

Bydd Laura hefyd yn cynrychioli'r Hyrwyddwyr Lles yn y digwyddiad.  Maent yn dangos esiampl ac yn hyrwyddo diwylliant iach yn y gweithle. Mae eu gwaith yn cynnwys trefnu ac annog cydweithwyr i gymryd rhan ym mentrau a heriau lles y Cyngor a chyfeirio cydweithwyr at y gwasanaethau cymorth perthnasol.

Os hoffech ddysgu mwy am y gwaith y mae Amrywiaeth neu'r Hyrwyddwyr Lles yn ei wneud, neu sut y gallwch gymryd rhan yn y rhwydweithiau, bydd Laura yn ateb eich cwestiynau yn ystod y digwyddiad.

Colin Davies – Cynrychiolydd y Rhwydwaith Anabledd 

Mae Colin hefyd yn gweithio i'r Tîm Cymunedau am Waith fel Cydlynydd.  Mae ei waith yn golygu helpu pobl ag anableddau i ddod o hyd i gyfleoedd gwaith, ac ystyried sut y gellir eu cefnogi yn y gweithle. Mae ei waith wedi dylanwadu’n fawr ar pam mae Colin wedi bod mor gysylltiedig â sefydlu Rhwydwaith Anabledd. 

Mae'r Rhwydwaith Anabledd yn ceisio mynd i'r afael â'r heriau y gall cydweithwyr eu hwynebu a beth y gellir ei wneud i sicrhau bod y Cyngor yn fwy cynhwysol o bobl ag anableddau a salwch meddwl. 

Mae'r rhwydwaith yn agored i staff sydd â phrofiad o anableddau, niwroamrywiaeth a salwch meddwl yn ogystal â'r rhai a allai fod â diddordeb mewn ymuno er cefnogaeth.  P'un a yw eich profiad yn bersonol i chi, ffrind, aelod o'r teulu, neu yn eich gwaith, mae croeso i bawb. 

Elyn Hannah – Swyddog y Gymraeg a Chydraddoldeb

Mae Elyn yn gweithio ym maes Gwasanaethau Perfformiad a Datblygu fel Swyddog y Gymraeg a Chydraddoldeb.  Mae hi wedi gweithio'n agos gyda'r tri rhwydwaith staff gan gynnig cymorth ac arweiniad a gwasanaethu fel aelod gweithgar yn y Rhwydweithiau GLAM, Amrywiaeth ac Anabledd.

Elyn yw’r cyswllt ar gyfer unrhyw gwestiynau sy'n gysylltiedig â chydraddoldeb sydd gennych a gall eich cyfeirio at unrhyw hyfforddiant pellach yr hoffech ei gymryd o bosibl ynghylch Cydraddoldeb ac Amrywiaeth.  

Cofrestru i'r digwyddiad Sesiwn Holi

Mae'r digwyddiad Sesiwn Holi yn cael ei gynnal ddydd Mawrth 3 Hydref rhwng 2 a 4pm. Mae'r digwyddiad yn cael ei gynnal o bell drwy Teams a dim ond y gwesteiwr a'r siaradwyr fydd ar y camera. 

Sesiwn Holi Wythnos Genedlaethol Cynhwysiant

Gallwch gyflwyno eich cwestiynau cyn y digwyddiad yma (bydd eich cwestiynau’n ddienw): 

 Cyflwyno Cwestiwn