Edrych yn ol ar gyflwyno Infuse am y tro cyntaf

Ym mis Medi 2023 gwnaeth  Infuse – Gwasanaethau Dyfodol Arloesol ddirwyn i ben ar ôl tair blynedd o fuddsoddi mewn adeiladu sgiliau, capasiti a hyder gweision sifil mewn arloesi yn Mhrifddinas-Ranbarth Caerdydd.

Roedd y rhaglen yn hybu cydweithio rhwng staff awdurdodau lleol, cyrff cyhoeddus a thrydydd sector i fynd i’r afael â rhai o’r problemau mwyaf y mae’r rhanbarth yn eu hwynebu.   Yn rhan o'u hamser ar y rhaglen, buon nhw’n ymchwilio i’r meddylfryd a'r amodau sefydliadol sydd eu hangen er mwyn arloesi a defnyddio offer a dulliau newydd i brofi syniadau arloesol i fynd i'r afael â heriau sy'n ymwneud â dwy thema: Cyflymu datgarboneiddio a Chymunedau Cefnogol.

Ers lansio'r rhaglen, mae pedair carfan wedi cymryd rhan yn y rhaglen.  Ymhlith y Cyn-fyfyrwyr Infuse mae chwech aelod o staff Cyngor Bro Morgannwg.

Gan gydnabod gwerth cydweithio, arloesi ac uwchsgilio'r gweithlu, roedd y Cyngor yn falch iawn o weld Mererid Velios, Alec Shand, Arabella Calder, Gaynor Jones, Penny Fuller a Steve Davies yn cofrestru ar y rhaglen.

Cofrestrodd Mererid ar garfan dau, gan ymchwilio i’r her o ymgysylltu ystyrlon, gan ganolbwyntio'n benodol ar p’un a yw dulliau ymgysylltu mwy arloesol yn helpu i gynyddu ymgysylltiad â grwpiau nad ydynt fel arfer yn ymgysylltu. Her berthnasol iawn i’r gwaith ymgynghori y buodd Mererid yn ei wneud yn rhan o Brosiect Dynodi Llwybrau’r Barri, ac felly bu’n astudiaeth achos mewn  Cylchlythyr Cenedlaethau’r Dyfodol yn ddiweddar. Gallwch chi weld mwy am Arbrawf Infuse Mererid yma.

Ar ôl cofrestru ar garfan tri, cydweithiodd Steve â gweithwyr gofal cymdeithasol proffesiynol eraill o'r rhanbarth i fynd i'r afael â heriau o ran denu, recriwtio a chadw pobl wych mewn gofal cymdeithasol ac iechyd, rhywbeth y mae'r Cyngor yn angerddol amdano.  Gallwch ei wylio’n sôn am ei brofiad Infuse yma.

I grynhoi tair blynedd lwyddiannus, ymunodd gwas cyhoeddus rheng flaen ac uwch arweinwyr ar gyfer y digwyddiad 'Meddylfryd a Dulliau Arloesi mewn Gwasanaethau Cyhoeddus', dathliad o gyflawniadau Infuse a llwyfan i ysbrydoli arloesedd ledled y rhanbarth.

Ochr yn ochr â sgyrsiau gan siaradwyr nodiadau allweddol a thrafodaeth am ddysgu, fe wnaeth y digwyddiad hefyd weld lansiad y Llawlyfr Arloesi Infuse, dogfen sy'n cyflwyno’r dysgu ar y cyd a'r ysbrydoliaeth o'r rhaglen.

Fel cyflogwr, mae’r Cyngor yn credu bod gweithio gyda'n gilydd, rhannu gwybodaeth, ac adeiladu perthnasoedd yn allweddol i dwf personol a phroffesiynol. Mae lansiad diweddar y Caffi Dysgu Newydd yn ei gwneud hi'n haws nag erioed i weithwyr wneud hynny.

Mae'r Caffi Dysgu wedi'i gynllunio i fod yn gynhwysol ac yn ddengar, gydag ystod eang o bynciau a gweithgareddau sy'n addas ar gyfer diddordebau pawb.  P'un a oes gennych ddiddordeb mewn datblygiad personol, twf proffesiynol, neu eisiau cysylltu ag unigolion o'r un anian, mae gan y Caffi Dysgu rywbeth i bawb.

Wrth ymgymryd â lansiad y Caffi Dysgu, mae cydweithwyr mewn Datblygu Sefydliadol a dysgu hefyd wedi goruchwylio datblygiad 'Canolfan Ddysgu 1', gofod deinamig newydd gyda'r nod o feithrin cydweithredu, dysgu ac arloesi ar y trydydd llawr y swyddfeydd dinesig.

Gall cydweithwyr sy'n gweithio ar brosiect cydweithredol a fyddai'n elwa o ddefnyddio'r gofod drefnu hyn drwy OD a dysgu.

Yr wythnos diwethaf, ymunodd cydweithwyr sydd wedi cymryd rhan yn Infuse, New Local Next Generation Coaching, Cynhadledd Solace ac Ysgolion Gaeaf a Haf Academi Cymru, ag Uwch gydweithwyr Arweinyddiaeth i rannu mewnwelediad i'w profiadau.

Sbardunodd y drafodaeth sgwrs am sut y dylai'r Cyngor barhau i annog cyfranogiad mewn cyfleoedd datblygu a datblygu ein cynnig mewnol i gefnogi anghenion ein cydweithwyr.  Er bod y tîm Datblygu Sedyfliadol a Dysgu yn parhau â'r sgwrs, gallwch gael y wybodaeth ddiweddaraf am gyfleoedd dysgu drwy gofrestru i gael diweddariadau e-bost wedi'u teilwra gan y Caffi Dysgu.