Wythnos Cydraddoldeb Hiliol – Diwrnod 5

Fyddwch chi'n ymuno â miliynau o bobl eraill heddiw i droi geiriau a meddyliau'n weithredoedd?

Diwrnod yr Addewid Mawr

Dros y pedwar diwrnod diwethaf, rydym wedi archwilio ambell fater allweddol sy’n codi bob dydd sydd yn peri loes a niwed i’ch cydweithwyr, ffrindiau cymunedol, a theuluoedd ethnig amrywiol, ac yn gwneud iddyn nhw deimlo eu bod wedi eu hymylu (ac rydym yn sylweddoli y gallai llawer ohonoch chi fod wedi ei brofi'n uniongyrchol eich hunain).

Ydyn ni'n camu'n ôl, cerdded i ffwrdd, anwybyddu, neu weithredu?

Yr unig ffordd i sicrhau tegwch a chydraddoldeb i bawb yw i bob un ohonom weithredu

#MaenFaterIBawb

Drwy gyfrwng cyfweliadau un wrth un a gweithdai grŵp gyda chymuned Race Equality Matters, a thrwy gydweithio â'r fforwm llywodraethu a Dr Karl George MBE, rydyn ni wedi nodi addewidion sy'n fesuradwy, yn atebol, ac yn dryloyw ac a fydd yn creu newid ystyrlon. Roedd hyn yn cynnwys adolygu 15 siarter hil a chyfanswm o 200 a mwy o ymrwymiadau ac addewidion. Yr enw ar y rhain yw’r Addewid Mawr.

Gwna'ch Addewid/ion Mawr heddiw!

Er mwyn eich helpu i wneud yr ymrwymiad hwnnw, rydym wedi nodi casgliadau pwrpasol o saith addewid ar gyfer:

• Byrddau, Pwyllgorau Gweithredol a Rheolwyr Gweithredol
• Uwch Arweinwyr
• Cynghreiriaid
• Cydweithwyr ethnig amrywiol

Mae'r casgliadau o saith addewid wedi eu datblygu'n benodol fel y bydd pob un yn cael effaith wirioneddol ar gydraddoldeb hil yn y gweithle.

 

Gallwch ddechrau newid y byd heddiw drwy wneud eich Addewid Mawr nawr: ewch i Declyn yr Addewid Mawr

Mae pob addewid wedi cael ei bennu gan y rhai sydd â phrofiad byw o anghydraddoldeb hiliol. Hynny yw, pobl sydd wedi wynebu heriau'n gysylltiedig â hil yn y gweithle (ac mewn cymdeithas) mewn amrywiaeth o amgylchiadau.

Mae'r heriau hyn yn cynnwys hiliaeth a meicroymosodiadau a rhwystrau i gynnydd mewn gyrfa yn ogystal â arferion recriwtio, datblygu, a chynnydd gwahaniaethol ac anghyfartal.

Rydym yn clywed eu straeon bob dydd, ac rydym am i sefydliadau a'u gweithwyr wrando ar yr hyn a ddywedwyd a gweithredu er mwyn i ni wella'r profiad byw i bobl, nawr ac yn y dyfodol.

• Cam Gweithredu

  Treuliwch ychydig amser yn adolygu'r addewidion ar gyfer eich grŵp rhanddeiliaid ac adfyfyrio ar ba addewid neu addewidion y gallwch eu gwneud.

  1. Dewiswch eich Addewid Mawr
  2. Hyrwyddwch eich Addewid Mawr
  3. Cadwch eich Addewid Mawr
  4. Rhannwch eich Addewid Mawr
• Sut i wneud eich Addewid Mawr

  1. Ewch i

  https://www.raceequalitymatters.com/make-a-big-promise/

   

  2. Llenwch y ffurflen ddigidol

   

  3. Dewiswch eich addewid

   

  4. Byddwch yn atebol Cyhoeddwch eich addewid

   

  5. Dewiswch:  “Download the Big Promise Social Template”  Dilynwch y

  cyfarwyddiadau, tynnwch lun ohonoch chi'ch hun a 'Dangoswch Eich Addewid'

   

  6. Rhannwch eich cerdyn post ac addewidion ar y cyfryngau cymdeithasol.

   

  7. Cofiwch ein tagio gan ddefnyddio #YrAddewidMawr #DangoswchEichAddewid

   

  8. Cofiwch ein tagio gan ddefnyddio @RaceEquality_UK

   

  9. Cadwch lygad am aelodau’r Uwch Dîm Arwain yn gwneud eu Haddewidion Mawr yr wythnos hon.