Dweud eich dweud ar y Strategaeth Ddigidol

Dyma'r darn diweddaraf o waith ar draws y Cyngor sy'n helpu i siapio'r cyngor ar gyfer y dyfodol ac mae'n adeiladu ar ein Strategaeth Pobl, gwaith ar Prosiect Sero a'r Strategaeth Ariannol.

Mae'r Strategaeth Ddigidol ddrafft newydd hon yn nodi gweledigaeth uchelgeisiol i'r sefydliad drawsnewid ein dulliau digidol. Byddwn yn ceisio gweithio gyda’n gilydd a gyda'r gymuned mewn ffyrdd newydd i drawsnewid ein gwasanaethau a chofleidio'r potensial y mae technoleg ddigidol yn ei gynnig. 

Roedd dros gant o gydweithwyr wedi cymryd ran mewn gweithdai yn gynharach eleni, a hwyluswyd gan Socitm, i helpu i lunio'r weledigaeth a'r themâu allweddol ar gyfer y strategaeth hon.  

Mae cyflymder y newid wedi cyflymu yn ystod y blynyddoedd diwethaf, yn enwedig o ganlyniad i'r pandemig a wnaeth chwyldroi’r ffordd y mae llawer ohonom yn gweithio ac yn rhyngweithio. Roedd hwn hefyd yn gyfnod o ddysgu a buddsoddi, ac mae'r strategaeth hon yn ceisio adeiladu ar ein cyflawniadau blaenorol a thrawsnewid ein diwylliant digidol ymhellach.

Mae ein strategaeth eang yn nodi gweledigaeth uchelgeisiol i'r sefydliad drawsnewid ein dulliau digidol. Byddwn yn ceisio gweithio gyda’n gilydd a chyda'r gymuned mewn ffyrdd newydd i drawsnewid ein gwasanaethau a chofleidio'r potensial y mae technoleg ddigidol yn ei gynnig.

Ein gweledigaeth ddigidol yw "Yn agored i ffyrdd newydd o weithio gyda’n gilydd a gyda'r gymuned i wella ein gwasanaethau. Yn uchelgeisiol ac yn falch o drawsnewid ein diwylliant digidol er mwyn datgloi ein potensial digidol”.

Mae'r strategaeth ddrafft yn nodi pedair thema:

• Cymuned a Chyfranogiad
• Trefniadaeth a Phrosesau
• Pobl a Sgiliau
• Data a Mewnwelediad

Rydym nawr yn ceisio barn ein holl gydweithwyr a'n partneriaid ar gynnwys y strategaeth ddrafft, yn benodol barn ar y themâu a'r camau gweithredu sy'n nodi sut y bydd y weledigaeth yn cael ei chyflawni.  

Gallwch weld y strategaeth ddrafft a dweud eich dweud yn cymrydrhan.valeofglamorgan.gov.uk/digidol

Bydd yr ymgynghoriad hwn yn rhedeg tan 8 Medi.