Gwiriwch eich pwysedd gwaed.  

Bydd yr Adran Iechyd Galwedigaethol o gwmpas ar gyfer wythnos "Nabod Eich Rhifau," felly dewch draw i gael eich pwysedd gwaed wedi'i wirio.

Mae Wythnos Nabod Eich Rhifau yn fenter gan Blood Pressure UK, prif elusen y wlad sy'n rhoi gwybodaeth a chefnogaeth i bobl â phwysedd gwaed uchel. Maen nhw'n credu mai'r unig ffordd o ddarganfod a oes gennych chi bwysedd gwaed uchel yw cael gwiriadau rheolaidd a chofio'r rhifau yn yr un ffordd â'ch pwysau a'ch uchder – mewn geiriau eraill, NABOD EICH RHIFAU - ac annog eich teulu a'ch ffrindiau i wneud yr un peth.

Pwysedd gwaed yw pwysau’r gwaed yn eich rhydwelïau. Os yw’n rhy uchel dros gyfnod o amser ac heb gael ei drin, byddwch mewn mwy o berygl o gael strôc neu drawiad ar y galon.  Fel arfer nid oes gan bwysedd gwaed unrhyw symptomau a dyna pam nad yw pobl yn gwybod ei fod arnyn nhw.

Yr unig ffordd o ddarganfod a oes gennych bwysedd gwaed uchel yw cael gwiriadau rheolaidd.

Nid yw achos pwysedd gwaed uchel yn derfynol ond mae'n hysbys bod rhai ffactorau sy'n ei wneud yn fwy tebygol:

• Hanes teulu o bwysedd gwaed uchel, trawiad ar y galon neu strôc

• Os ydych chi o dras Affricanaidd neu Garibïaidd

• Os ydych o dras De Asiaidd

• Eich oedran – mae pwysedd gwaed yn cynyddu wrth i ni fynd yn hŷn

• Gall eich ffordd o fyw effeithio ar eich pwysedd gwaed, er enghraifft, gall fod dros eich pwysau, bwyta gormod o halen, peidio â gwneud digon o ymarfer corff, yfed gormod o alcohol a pheidio â bwyta digon o ffrwythau a llysiau achosi pwysedd gwaed uchel.

Mae'r dyddiadau ar gyfer apwyntiadau fel a ganlyn:

• Dydd Llun 4 Medi – 8am – 9am Swyddfeydd Dinesig, Y Barri (y cyntedd wrth y fynedfa i’r cefn).
• Dydd Mawrth 5 Medi – 8am-9am Depo’r Alpau (Prif dderbynfa)
• Dydd Iau 7 Medi – 8am -9am – Swyddfa’r Dociau, Y Barri (Prif dderbynfa)

Os nad ydych yn gallu mynychu unrhyw un o'r sesiynau hyn, cysylltwch â Iechyd Galwedigaethol a gwnewch apwyntiad i alw heibio i gael gwirio eich pwysedd gwaed.