Bythefnos ers dechrau Milltiroedd ar gyfer Wcráin, ac rydym wedi gwneud cynnydd mawr ar ein taith rithwir i Wcráin.
O heddiw, rydym wedi teithio 1,476.86 milltir ar ein taith rithwir i Wcráin.
Hyd yma, mae eich rhoddion a'ch ymdrechion i godi arian wedi codi £1,319 ar gyfer Apêl Dyngarol Wcráin y Pwyllgor Argyfwng Trychinebau.
Mae timau o bob rhan o'r Cyngor wedi bod yn gwneud eu rhan yn ein cenhadaeth i godi arian.
Da iawn i bawb sydd wedi cymryd rhan hyd yn hyn!
Ydy eich tîm yn mynd allan i gwblhau rhai milltiroedd? Cofiwch dynnu llun o’r tîm i'w anfon gyda'ch cyflwyniad milltiroedd!
Browser does not support script.
Gall unrhyw un gymryd rhan i gwblhau ein taith rhithiwr, boed hynny chi ar eich pen eich hun, gyda'ch tîm, neu fel rhan o ysgol ym Mro Morgannwg.
Cofnodwch eich milltiroedd a gwnewch rodd drwy ein hyb Milltiroedd ar gyfer Wcráin.
Yr wythnos hon, mae llawer ohonoch wedi manteisio ar y tywydd braf i gwblhau milltiroedd.
Rydych chi wedi bod yn brysur yn cerdded, yn beicio, yn chwarae golff, a hyd yn oed yn rhedeg hanner marathonau!
Cofiwch rannu eich ymdrechion a'r Tudalen Just Giving gyda ffrindiau a theulu!
Bydd yr arian yn helpu i ddarparu lloches, bwyd, dŵr a hanfodion eraill i'r miliynau o bobl sydd wedi gadael eu cartrefi i ddianc rhag y gwrthdaro yn Wcráin.
Gallai £10 ddarparu cyflenwadau hylendid hanfodol i un person am fis
Gallai £20 ddarparu bwyd brys i un person am fis
Gallai £50 ddarparu blancedi i 10 o bobl i’w cadw'n gynnes
Gallai £100 ddarparu bwyd brys i ddau deulu am fis
