Staffnet-Headertxt
English Cymraeg

Cymorth iechyd meddwl Canopi ar gyfer staff gofal cymdeithasol

Mae Canopi yn cynnig gwasanaeth cyfrinachol am ddim sy'n rhoi mynediad i staff y GIG a gofal cymdeithasol yng Nghymru at wahanol lefelau o gymorth iechyd meddwl.

Maent yn cynnig hunangymorth, hunangymorth dan arweiniad, cymorth gan gymheiriaid, a therapïau wyneb yn wyneb rhithwir gydag arbenigwyr achrededig.

Nod Canopi yw rhoi cymorth i'r rhai sydd â symptomau acíwt megis y rhai sy'n teimlo’u bod wedi'u llethu ac yn gofidio neu sy'n cael anawsterau wrth reoli'r heriau amrywiol a ddaw yn sgil y pandemig; y rhai sy'n datblygu symptomau gorbryder ac iselder, yn ogystal ag effeithiau tymor hwy fel Anhwylder Straen Wedi Trawma.

Sut mae'n gweithio?

Ar ôl cysylltu â'r gwasanaeth, caiff unigolion eu cyfeirio at gynghorydd meddyg hyfforddedig a fydd yn brysbennu eu hanghenion ac yn eu cyfeirio at un neu fwy o'r gwasanaethau canlynol:

  • Helpu eich hun

  • Cymorth Cyfoedion

  • Hunan-gymorth dan arweiniad

  • Ymgynghoriadau rhithwir wyneb yn wyneb

Cynlluniwyd Canopi i weithio ar y cyd a bod yn ategu'r gwasanaethau a gynigir gan adrannau iechyd galwedigaethol a'r cymorth sydd ar gael i unigolyn drwy ei feddyg teulu.

 

Sut i gysylltu

Cwblhewch y ffurflen atgyfeirio

 

Mae Canopi ar gael o ddydd Llun i ddydd Gwener, 9am – 5pm