Canllaw GLAM i ddathlu Pride 2021

Cefnogwch fusnesau LHDT+

Gallech ymweld ag Emporiwm Queer cyntaf y DU, sydd ar agor drwy gydol mis Mehefin i hyrwyddo busnesau lleol sy'n cael eu rhedeg gan bobl queer. Mae'r Emporiwm wedi'i leoli yn Arcêd Frenhinol Caerdydd, ychydig oddi ar Heol Eglwys Fair.

Os na allwch fynd i Gaerdydd yn ystod mis Mehefin, gallech hefyd gefnogi busnesau annibynnol sy'n cael eu rhedeg gan bobl queer ar Etsy.

Mae nifer fawr o fusnesau hefyd yn nodi'r mis gyda chynhyrchion sy'n gysylltiedig â Pride ar werth. Dyma erthygl sy’n amlygu sefydliadau sydd hefyd yn rhoi cyfran o'r elw i elusennau LHDT+.    

Yn olaf, mae 100 Cyflogwr Gorau Stonewall 2020 hefyd yn lle da i chwilio am sefydliadau cynhwysol. 

Gwyliwch Gyfres Deledu

Mae yna raglenni teledu gwych sy'n cynnwys actorion LHDT+ ac yn portreadu straeon LHDT+ yn gadarnhaol i godi ymwybyddiaeth. Gall hyn fod yn ffordd wych o ddechrau sgyrsiau gyda ffrindiau a theulu. Dyma rai argymhellion gan aelodau'r Grŵp Cymdeithasol a Chefnogaeth.

• It’s a Sin, All 4
• Queer as Folk, All 4
• Pose, Netflix
• Orange is the New black, Netflix
• RuPaul’s Drag Race UK, BBC iPlayer
• Disclosure, Netflix
• Love, Victor, Disney+
• Twenties, BBC iPlayer

Gwyliwch ffilm

Os nad oes gennych amser i ddechrau cyfres newydd, yna beth am wylio un o'r ffilmiau LHDT+ canlynol.

• Pride (2014) – Ar gael i'w wylio ar Amazon Prime
• Carol (2015) – Hefyd ar gael ar Amazon Prime
• Moonlight (2016) – Enillydd Oscar
• Philadelphia (1993) – Enillydd Oscar
• Love, Simon (2018) – Addas ar gyfer pob oedran

Mae argymhellion eraill yn cynnwys 'The Color Purple', 'Paris is Burning', 'Milk', 'Les Chansons d'amour', 'My Beautiful Launderette' a 'Boys Don't Cry'.

Gwrandewch ar Bodlediad

Os ydych yn hoffi Podlediadau darllenwch yr erthygl wych hon gan Stylist.

Darllenwch lyfr    

Os ydych chi'n mwynhau darllen, beth am roi cynnig ar un o'r llyfrau LHDT+ canlynol:

• Boys Don’t Cry gan Malorie Blackman
• Openly Straight gan Bill Konigsberg
• Some Body To Love gan Alexandra Heminsley
• The Gender Games gan Juno Dawson
• The Color Purple gan Alice Walker
• Carol gan Patricia Highsmith
• Call Me by Your Name gan André Aciman

Cyfrannwch at elusen

Gallech hefyd gefnogi eraill yn ystod y Mis Pride hwn drwy roi i un o'r elusennau LHDT+ rhagorol canlynol.

Mae Galop yn rhoi cyngor a chymorth cyfrinachol ac annibynnol i bobl LHDT+ sydd wedi profi ymosodiad rhywiol, camdriniaeth neu drais.  

Mae Switchboard yn cynnig Llinell Gymorth LHDT+. Mae’n darparu lle diogel i unrhyw un drafod unrhyw beth, gan gynnwys rhywioldeb, hunaniaeth rhywedd, iechyd rhywiol a lles emosiynol.Imaan yw prif elusen Fwslimaidd LHDT+ y DU.

Imaan yw prif elusen Fwslimaidd LHDT+ y DU.

Ychwanegwch eich rhagenwau at eich proffil cyfryngau cymdeithasol

Ydych chi wedi gweld rhywun gyda’u rhagenwau ar eu llofnod e-bost neu eu bio cyfryngau cymdeithasol yn ddiweddar?

Mae'r hyn yn dod yn fwyfwy cyffredin, ac nid oes rhaid i chi fod yn LHDT+ i ddechrau.

Mae defnyddio rhagenwau yn elfen allweddol o fod yn LHDT+ ac mae'n rhywbeth sy'n hawdd ei wneud, ond sy'n golygu llawer i eraill.

Mae'r rhan fwyaf o lwyfannau cyfryngau cymdeithasol bellach yn eich galluogi i ychwanegu eich rhagenwau at eich proffil.

Rhannwch wybodaeth ac adnoddau am Fis Pride 

Ac yn olaf, dangoswch eich cefnogaeth i Fis Pride a'r gymuned LHDT+. Mae sawl ffordd y gallwch wneud hyn, fel ymuno â GLAM (os nad ydych eisoes yn aelod), ychwanegu Baner yr Enfys at eich llwyfannau cyfryngau cymdeithasol, rhannu gwybodaeth ac adnoddau (gwnewch yn siŵr eu bod o ffynonellau ag enw da) neu ddechrau sgwrs gyda ffrindiau a theulu.